jueves, 12 de noviembre de 2026
Pola contra, no caso de que fora preciso realizar un novo confinamento semellante ao dos meses de marzo e abril de 2020, sufriría unha caída do -1,5% do conxunto do ano, indican desde o foro.
Esta análise está recollida no documento Previsións de crecemento para a economía galega. PIB de Galicia ano 2021, lanzado este venres pola entidade e asinado polos economistas Santiago Lago, José́ Francisco Armesto, José́ María da Rocha, Fernando González Laxe e Patricio Sánchez. Sobre as previsións apuntadas anteriormente, os seus responsables salientan que non recollen o impacto positivo dos Fondos Next Generation EU polas incertezas que existen aínda sobre os proxectos tractores que serán apoiados e a súa ubicación xeográfica e tamén pola celeridade na execución. Deste xeito, indican en nota de prensa desde a entidade, supoñendo que o impacto en Galicia sexa homoxéneo respecto ao que o Banco de España ten cuantificado para a economía española, as cifras anteriores elevaríanse, respectivamente, ata un +10,1% e un +5,4%.
Diversos escenarios
O informe divídese en dúas partes diferenciadas: a primeira, centrada nos resultados do acontecido en 2020, e a segunda, na que os economistas presentan as diversas previsións -das dispoñibles para 2021- e realizan a súa propia análise de prospectiva de posibles escenarios. O escenario máis optimista (nomeado Covid A +8,8%) está baseado no cumprimento das seguintes condicións: restricións leves ou moderadas durante o primeiro e segundo trimestres de 2021 e pouco relevantes durante o resto dos trimestres do ano. Neste escenario suponse que a campaña de vacinación remataría durante o verán e, polo tanto, a produtividade da economía recuperaríase plenamente a partir do terceiro trimestre do 2021, sinalan desde o Foro Económico de Galicia. O escenario Covid-B (+4,8%), engaden, daríase no caso de que o impacto das restricións fose medio-alto nos dous primeiros trimestres e que se mantivese parcialmente durante o verán.
Finalmente, explican desde o Foro Económico de Galicia, os escenarios debullados non contemplan o efecto positivo xerado polos Fondos Next Generation EU, por dous motivos. Primeiro, detallan, pola incerteza sobre a parte dos mesmos que se vaia executar finalmente en 2021, e segundo, pola incerteza no que atinxe á parte dos mesmos que terá impacto territorial directo en Galicia. Sen coñecer que proxectos tractores e cando serán apoiados, afirman os economistas no documento, é difícil cuantificar o seu efecto. En todo caso, tomando como referencia os cálculos do Banco de España para o conxunto da economía española e supoñendo que o impacto na taxa de variación do PIB de Galicia estea na media para o conxunto de España, as taxas sinaladas nos dous escenarios poderían aumentar entre 0.6 e 1.3 puntos porcentuais dependendo de que a execución dos fondos acumule retrasos ou sexa rápida, indican os autores do traballo.
O Foro Económico de Galicia é unha plataforma de transferencia de coñecemento das universidades e empresas galegas á sociedade. Está integrada por profesorado das tres universidades galegas, empresariado e directivos de referencia e xornalistas especializados en divulgación económica, reunindo a "un total de máis de 60 persoas referentes para a análise e confección de propostas para a economía galega, tal e como indican desde a entidade.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
