lunes, 2 de noviembre de 2026
Despois da caída rexistrada no comercio internacional nos primeiros meses da pandemia, as exportacións galegas foron remontando coa paulatina reactivación da economía, e así, Galicia rexistrou en 2020 o mellor segundo semestre da historia, cun incremento dun +4,5% con respecto ao período de xullo a decembro de 2019.
Isto é posible grazas a industrias como a da automoción, que incrementou a venda ao exterior de vehículos no conxunto de 2020 nun +33,3% con respecto a 2019; a conserveira, que medra un +20,5%; ou o naval, cunha suba do +34,6% nas exportacións de barcos e embarcacións. Por países, destaca o aumento das vendas a países como Francia (+20,3%); Dinamarca (+20%); Polonia (+15,7%); ou Turquía (+42,3%).
A balanza comercial galega é a segunda mellor en termos absolutos, cun saldo positivo de 4.274,3M (case o dobre que en 2019), mentres que o saldo comercial estatal é negativo en -13.422,1M.
As vendas ao exterior galegas gañan peso a nivel estatal, supoñendo o 8% do total, tres décimas máis que en 2019, ano no que Galicia exportou o 7,7% das vendas ao exterior españolas. O volume total das exportacións galegas só é superado por outras catro comunidades: Cataluña, Madrid, Comunidade Valenciana e Andalucía, quedando Galicia por encima do País Vasco, e gañando un posto con respecto ao ano anterior, o que lle permite situarse como líder na cornixa cantábrica.
No mes de decembro de 2020 Galicia continúa recuperando o seu ritmo exportador, cun incremento do +6,8% en comparación co mesmo mes do ano pasado, mentres que a nivel estatal o crecemento é do +0,9%, case seis puntos menos. Os 1.952.585 millóns de euros exportados pola Comunidade no último mes do ano pasado supoñen o segundo mellor decembro da historia, só superado por decembro de 2013.
A aposta da Xunta pola internacionalización das pemes
Para acompañar o traballo das empresas galegas, especialmente das pemes, no fortalecemento da súa presenza no exterior neste contexto e contribuír a súa recuperación económica, a Xunta destina este ano preto de 23 millóns de euros aos programas de axudas á internacionalización, reforzando as liñas xa en funcionamento e activando outras novas que facilitarán que arredor de 1500 compañías melloren a súa presenza nos mercados exteriores.
As medidas incidirán na internacionalización a través da dixitalización e o desenvolvemento de proxectos individuais e colectivos; o apoio ás empresas que manteñen ou van manter relacións comerciais co Reino Unido; o fomento da contratación de expertos en comercio exterior e a formación de persoal especializado; a realización de accións conxuntas de promoción exterior mediante a colaboración con diferentes entidades; e os servizos de soporte ás empresas a través das antenas situadas en diferentes destinos mundiais.
Nestes momentos está aberta a nova convocatoria do Galicia Exporta Dixital, que conta con 6 millóns de euros para impulsar as vendas internacionais de pemes, autónomos e comercios a través de ferramentas dixitais innovadoras. Os interesados poden solicitar os apoios ata o 30 de xuño. Tamén se veñen de activar as axudas para a contratación de expertos en comercio exterior que poderán solicitar pequenas e medianas empresas e organismos empresariais e que facilitarán a incorporación ao mercado laboral de 75 mozos e maiores de 45 anos en situación de desemprego.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
