martes, 1 de julio de 2025
Así mesmo. informou que na derradeira semana, o Servizo Galego de Saúde realizou 160.000 probas diagnósticas, das que se desprendeu un tasa de positividade do 6%. Esta cifra achégase ao obxectivo establecido pola OM,S fixado no 5%.
Sobre este particular, o máximo responsable da Sanidade galega realizou un chamamento xeneralizado á poboación galega, para que acuda e participe nos cribados que se está a desenvolver o Sergas nas diferentes áreas sanitarias.
Respecto do Plan de vacinación, precisou que vimos de rematar a vacinación nos centros sociosanitarios e nos profesionais sanitarios de primeira liña, ao tempo que anunciou que desde esta semana comezarase a vacinar ao resto do persoal sanitario.
García Comesaña tamén destacou que tras recibir 11.100 doses da vacina producida por Astrazeneca, desde mañá mesmo, comezarase a vacinación dos profesionais do Servizo de Axuda no Fogar (SAF) menor de 55 anos.
Na compaña do secretario xeral técnico, Alberto Fuentes, a directora xeral de Saúde Pública, Carmen Durán, e o xerente do Sergas, José Flores; o conselleiro de Sanidade agradeceu novamente o esforzo e dedicación do conxunto de profesionais que desenvolven o seu labor no ámbito sanitario galego, poñendo especial énfase nos que están a traballar nas unidades de críticos.
No que atinxe aos datos epidemiolóxicos, a directora xeral de Saúde Pública, Carmen Durán, apuntou que estamos diante dunha mellora obxectiva da situación epidemiolóxica en Galicia, mais remarcou que aínda estamos lonxe do obxectivo marcado.
Ademais, Durán apuntou que Galicia é na actualidade a segunda comunidade autónoma coa mellor taxa de realización de probas diagnosticas por 100.000 habitantes, cunha cifra de 6.189 probas, case un 80% por riba da media nacional.
Durante a súa intervención, a responsable de Saúde Pública tamén informou que nestes intres o Servizo Galego de Saúde ten secuenciados 41 casos pertencentes á variable británica.
Respecto da ocupación hospitalaria, o xerente do Sergas, José Flores, debullou a presión actual dos diferentes niveis asistencias, indicando que a ocupación de pacientes en planta é do 69% (13% por covid); e nas unidades de críticos do 67% (40% por covid).
Por último, García Comesaña gabou o traballo que están a desenvolver o conxunto de profesionais que traballan no ámbito sanitario, ademais de agradecer a actitude responsable que continúa a amosar a poboación galega, no cumprimento da medidas establecidas para frear a expansión do coronavirus.
O presidente da Xunta, Alfonso Rueda, resaltou hoxe que Galicia asumirá desde mañá 'a plena xestión sobre o seu litoral', un 'feito histórico desde o punto de vista do autogoberno' que virá acompañado da posta en marcha de xeito inmediato de dous novos servizos, unha nova canle de información á cidadanía e a posibilidade de unificar nun só formulario calquera trámite ou solicitude sobre o litoral. Deste xeito, o Goberno autonómico prepárase para asumir o autogoberno pleno do litoral co traspaso efectivo a Galicia a partir de mañá das funcións, medios e servizos en materia de ordenación costeira.
A primeira fase do piloto do proxecto Xenoma Galicia permitiu detectar, entre os máis de 1.000 participantes aos que se lle recolleu unha mostra de sangue, 14 novos casos de alto risco para as patoloxías investigadas de cancro de mama e ovario hereditario, síndrome de Lynch e hipercolesterolemia familiar. A Consellería de Sanidade presentou esta mañá ante o Consello da Xunta un informe de situación do piloto do proxecto Xenoma Galicia. Cun investimento de 20 millóns de euros, o Goberno galego márcase o obxectivo de recompilar o ADN de 400.000 persoas. Pola porcentaxe de poboación incluída, Xenoma Galicia é un dos proxectos de maior envergadura do mundo. Permitirá ofrecer tratamentos farmacolóxicos individualizados, predicir o risco de enfermidades antes de apareceren para poder anticiparse a elas e evitalas grazas ao estudo do xenoma e da historia clínica.
