viernes, 4 de julio de 2025
A reunión serviu como toma de contacto para acordar alternativas coas que dar resposta á situación do sector ante a crise sanitária da covid-19 e poñer en común as medidas e axudas levadas a cabo nos últimos meses polas comunidades participantes.
No caso de Galicia, Nava Castro explicou que a Xunta porá en marcha este ano un Plan de choque do sector turístico, dotado con 35,7 millóns de euros, que inclúe a renovación dos programas dirixidos a incentivar o consumo como o Bono Turístico, con 6 millóns de euros; e a reedición do programa de promoción do turismo interno Elixe Galicia, con 1,3 millóns de euros, co obxectivo de inxectar liquidez as empresas turísticas e fomentar o turismo interno. Ademais, nos últimos meses o Goberno galego vén apoiando aos establecementos do sector para implantar os protocolos de prevención ante a covid-19 e reforzar a idea de que Galicia é un destino seguro.
Por outra parte, a Xunta xa traballa no 2º Plan de Rescate a autónomos, microempresas e negocios de hostalería pechados, que conta cun orzamento de 75 millóns de euros, e se suman aos 86,2 millóns de euros aboados na primeira convocatoria deste plan.
Os representantes destas cinco comunidades volverán a reunirse nuns días para concretar a estratexia de apoio encamiñada a manter as empresas e os postos de traballo nun sector estratéxico tan importante para a economía, que en Galicia supón máis do 10,4% do PIB e o 11% do emprego total.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
