viernes, 6 de noviembre de 2026
Na evolución mensual (comparativa xaneiro de 2021-decembro de 2020), o desemprego descendeu por primeira vez nun mes de xaneiro desde 1996 e nas catro provincias, nas 7 grandes cidades, nos principais sectores económicos e nos colectivos prioritarios para a Xunta: mulleres, menores de 30 anos, maiores de 44 anos e nos parados de longa duración.
O emprego de calidade, ademais, en palabras de Lado, creceu, xa que a contratación indefinida aumentou nun 20,67% (+1.067 contratos), a un ritmo moi superior ao reflectido na contratación temporal (+3,71%). A tempo completo tamén medrou, nun 8,50%, mentres que diminuíu o número de contratos a tempo parcial (-3,80%). A contratación en xeral crece en Galicia nun 5,23%, mentres que no Estado diminúe nun -3,89%.
Con respecto á comparativa anual, a responsable de Formación e Colocación apuntou que pese ao incremento do paro nun 10,87%, Galicia continúa en niveis de paro inferiores a hai 12 anos. Lembrou que en xaneiro de 2009 o aumento foi máis do dobre. Destacou que o paro crece en todas as comunidades autónomas e na media estatal aumenta o dobre (+21,84%) que en Galicia.
Así, Lado apuntou que o mercado laboral galego está a resistir á Covid-19 grazas á estabilidade de Galicia, recordando que os últimos datos da EPA reflectiron que Galicia pechou 2020 con menos paro e máis emprego indefinido. De feito, tres de cada catro asalariados galegos son indefinidos. Indicou que unha das principais preocupacións do Goberno galego, ademais de loitar contra a pandemia, para que se rexistre o menor número posible de contaxios, é a situación laboral dos galegos e galegas. Por iso, afirmou que a Administración autonómica está a traballar coa maior dilixencia posible para que cada medida restritiva que é preciso adoptar para loitar contra a pandemia estea acompañada de apoios económicos directos para intentar manter o emprego en Galicia.
160 millóns en 90 días
Ao respecto, afirmou que a Xunta ten mobilizados160 millóns de euros en 90 días para axudar, a través do Plan de rescate, a autónomos, microempresas e hostaleiros. Aos 86,2 millóns xa activados sumaranse 75 millóns do segundo Plan este mes de febreiro. Traballamos para poñer a disposición dos sectores máis afectados as axudas para que cheguen rápido, a máis persoas e con menos requisitos, engadiu.
Lado lembrou que a Xunta está a adoptar medidas desde o primeiro momento co único obxectivo de axudar ás familias con máis dificultades. Así, ademais de deseñar, tramitar e pagar os apoios en tempo récord, está a axilizar a tramitación dos Erte, un proceso que non supera os cinco días desde a presentación dos expedientes, facilitando, deste xeito, o acceso ás prestacións aos traballadores e traballadoras.
Así mesmo, resaltou que a Xunta está a facer fincapé na formación, flexibilizando e adaptando os cursos ao novo contexto e apostando pola teleformación, ao tempo que se están a estudar os novos nichos do mercado de traballo para apostar desde xa polos empregos de futuro.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
