lunes, 10 de agosto de 2026
Conde, que mantivo unha reunión coa xunta directiva da Confederación de Empresarios de Ferrol (Cofer), destacou a coordinación entre a Administración autonómica e Cofer, e ofreceu tamén toda a colaboración da Xunta ao Executivo estatal, ao que reclamou máis diálogo e iniciativa tanto no que respecta ao sector naval como en Endesa e Siemens xa que, tal e como apuntou, está en xogo o futuro industrial da comarca e de toda Galicia. Pedímoslle ás empresas compromiso co territorio, levan moitos anos vinculadas a Ferrolterra e parécenos que nun contexto no que hai oportunidades de cara a futuro vinculados a fondos europeos ten que haber un compromiso a curto prazo para que se poida traballar no medio e no longo prazo, no marco da transición enerxética.
O responsable de Economía, Empresa e Innovación trasladou aos responsables de Cofer, con quen se trazou unha axenda de traballo conxunto, que o Goberno galego traballa acompañando ao tecido produtivo para mitigar o impacto desta crise na economía, facendo especial fincapé nas pemes, os autónomos, e nos sectores máis afectados pola pandemia como o comercio, a hostalería, o turismo ou a industria. A principios deste ano Galicia levaba programadas axudas por un importe de 370 millóns de euros, consensuadas cos sectores máis afectados e nas que se primou a axilidade na tramitación.
O vicepresidente económico remarcou que os fondos europeos de reconstrución Next Generation van ser a gran oportunidade que hai que saber aproveitar en beneficio, entre outras cousas, da industria, xa que son a chave para a recuperación e a reactivación da economía. Galicia, a través da colaboración público-privada, aposta por proxectos que teñan un efecto tractor e impacto directo na produtividade, o emprego e sobre todo, que beneficien ás pemes, contando xa cunha selección de 108 proxectos que suman unha mobilización de 9.400 millóns de investimento público-privado.
De xeito paralelo, estase a tramitar a Lei de reactivación, coa que a Xunta busca xerar estabilidade e confianza no tecido empresarial, cun cambio na cultura administrativa que permita reducir os prazos de tramitación achegando a mesma seguridade xurídica aos proxectos. A futura lei actúa sobre dúas frontes: a simplificación administrativa e o apoio ao investimento. Neste eido, e co obxectivo de atraer novas iniciativas, o vicepresidente económico lembrou que a Xunta bonificará na zona a compra de solo industrial de titularidade económica: 84 parcelas nos concellos de Pontedeume, Cedeira, Ortigueira e As Somozas, cunha superficie de 160.000 metros cadrados. Tamén se permitirá o acceso a parcelas a través do alugueiro. En paralelo, están abertas as convocatorias de axudas para a mellora de parques empresariais e a creación de novos viveiros industriais.
No ámbito industrial, apuntou Conde que Siemens debería retirar o ERE, paralizar o período de consultas e sentarse a negociar nunha mesa de traballo coa Xunta, o Goberno e o comité de empresa. Apuntou que é incoherente que en pleno boom das enerxías renovables, a compañía adopte esta decisión, e máis cando aínda están pendentes de asignar os fondos europeos de recuperación Next Generation, cos que Galicia confía en impulsar a súa potencia renovable.
Tamén no eido enerxético, o vicepresidente económico sinalou que para que Endesa enderece o seu camiño é preciso da implicación sen rodeos do Goberno, apuntando que non se pode cometer os erros de Meirama, autorizando o peche da actual central sen contar antes cunha solución industrial a través dos biocombustibles. Conde fixo fincapé en que a planta é viable, e polo tanto, é necesario traballar en solucións industriais que dean un futuro inmediato aos traballadores da central, á industria auxiliar e aos transportistas que dependen da planta.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
