domingo, 6 de julio de 2025
Nesta liña, e no tocante aos ecoesquemas -os pagos que se aboarán aos que cumpran condicións medioambientais adicionais, definidas por cada país-, Feijóo avogou por que se teñan en conta dous aspectos: a prevención de incendios e a modulación da axuda por estratos de tamaño das explotacións.
Sobre este segundo aspecto, valorou que o modelo de agricultura da PAC e do Ministerio sexa o de explotacións familiares profesionais pequenas e medianas, porque realmente aí é onde se desenvolve a maior parte da poboación que se dedica a este sector, dixo, referíndose ademais á importancia destas explotacións para fixar poboación no rural.
E, sobre as axudas asociadas, agradeceu que o Ministerio se comprometa a mantelas para o vacún de leite e carne; e, desde a Xunta propoñemos tamén que se manteñan para o ovino-caprino, cunha dotación semellante ao período 2014-2020, engadiu.
Sobre o segundo piar da PAC, o desenvolvemento rural, Feijóo incidiu na necesidade dun reparto equilibrado dos fondos entre comunidades, valorando factores como: o volume do emprego agrario; a superficie forestal; o volume da poboación rural, a súa dispersión e o seu especial avellentamento.
Feijóo aseverou que Galicia plasmará todas estas prioridades nun documento baseado en criterios técnicos e elaborado xunto coas universidades galegas, co fin de trasladalo ao Goberno central para que as teña en conta.
O impacto dos fondos Next Generation no sector primario
O responsable do Goberno galego referiuse tamén aos fondos europeos Next Generation e o seu impacto no sector primario.
Nesta liña, recordou en primeiro termo que Galicia presentou un proxecto relacionado co desenvolvemento dunha industria de fibra téxtil, baseada na xestión forestal sustentable e certificada. Estamos a falar dun proxecto moi ambicioso, cun investimento de 1.200 millóns de euros, que presentaremos como o primeiro proxecto tractor de todos os que estamos a elaborar, afirmou.
Así mesmo, Feijóo aproveitou a reunión para presentar outros tres proxectos. Un deles relacionado co plan de modernización de regadíos, coa iniciativa de desenvolver 3.500 hectáreas de regadío moderno en A Limia, cun investimento aproximado de 34 millóns de euros.
E tamén abordamos a iniciativa das aldeas modelo, para poñer en valor o sector agrario, engadiu, referíndose tamén a diversos proxectos transversais por un importe de 190 millóns de euros, para fomentar un rural 4.0, a investigación agraria, así como evitar a contaminación do solo debido aos xurros e producir enerxía a través dos mesmos.
Recorte das cotas e impacto do brexit na pesca
O presidente da Goberno galego destacou tamén a situación que está vivindo a pesca, polo recorte das cotas e polo impacto do brexit.
Sobre este último punto, Feijóo aseverou que non só nos preocupa o que ocorreu, senón tamén o que vai ocorrer dentro de cinco anos, dado que despois dese período temos que negociar anualmente. Tras precisar que non é doado negociar cun país ano a ano, incidiu en que aínda é máis complicado cando a frota europea parte cun 25% menos de cotas e cando o Reino Unido consegue arancel cero para exportar o peixe que non é quen de consumir. A situación é preocupante, abundou.
Tras lembrar as consecuencias para a frota que faena no Gran Sol, o presidente da Xunta agradeceulle ao ministro que nas negociacións que quedan tanto co Reino Unido como no seo da Unión Europea teña a Galicia como consultora, e se é posible, como asesora porque nos xogamos moitas cousas e temos unha capacidade de pesca moi potente.
Nesa liña, o titular do Goberno galego reiterou que a Xunta trasladará ao Ministerio dous informes: un sobre o impacto na actividade extractiva e sobre a comercialización dos produtos pesqueiros e outro sobre as implicacións xurídicas que supón o brexit para a pesca galega.
Feijóo insistiu en que á Comunidade lle interesa que os 1.700 profesionais e 150 buques pesqueiros que faenan en augas británicas teñan unha defensa técnica, científica, biolóxica e, tamén, política dos intereses que están en xogo.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
