domingo, 6 de julio de 2025
O obxectivo destas axudas é manter o emprego e a actividade económica dos sectores afectados, e apoiar a actividade de todos estes establecementos, estimándose que se chegará a uns 30.000 autónomos e 10.000 microempresas.
Os establecementos que se viron obrigados a pechar como mínimo 15 días debido ás restricións establecidas o pasado mes de outubro pódense beneficiar destas axudas, sexan autónomos con ou sen persoal contratado, microempresas ou pemes. Ademais dos negocios de comidas e bebidas, tamén se verán afectados hoteis, hostais, casas rurais y outros aloxamentos localizados en concellos afectados polos peches perimetrais.
Os hostaleiros recibirán 1.500 euros por mes de paralización da actividade, cantidade que pode ascender ata os 2.000 euros no caso dos empresarios con 10 ou más traballadores. Cando o período de parálise sexa menor dun mes e maior de 15 días, o importe a recibir será a parte proporcional correspondente.
Por outra banda, abríronse tamén liñas de axuda para melloras das terrazas e para servizo a domicilio, de 1.200 a 20.000 euros, e créditos de entre 3.000 e 500.000 euros en préstamos directos.
Participación do sector
Para deseñar este Plan de Rescate, a Xunta contou coa colaboración de diversos colectivos vinculados ao sector. Así, no caso destas axudas foron a Mesa de negociación da hostalería e o Clúster de Turismo os que presentaron as súas achegas para definir un Plan adaptado ás necesidades do sector.
Tramitación Sinxela
O procedemento para a solicitude destas axudas é moi sinxelo: Calquera interesado pode presentar a súa petición por vía electrónica, acompañada dunha declaración responsable. Isto permitirá que os primeiros beneficiarios podan recibir as cantidades correspondentes no mes de decembro.
Complementariedade
Estes importes son complementarios, o que significa que se poden acumular con outras axudas recibidas. Deste xeito, os establecementos hostaleiros poderían recibir entre 6.700 e 9.200 euros, o que supón os maiores apoios a este sector en toda España.
Formación para o sector
A nova normalidade producida pola pandemia trae novos requirimentos para o sector turístico, e por iso Turismo de Galicia vén de ampliar o programa de formación destinado ao sector, con numerosos cursos, webinars e obradoiros, que mellorarán as capacidades dos establecementos turísticos para poder dar a mellor resposta a esta nova situación.
As accións formativas divídense en catro apartados para mellorar as habilidades dos traballadores do sector en catro materias: idiomas, finanzas, reconversión e adaptación empresarial e transformación dixital. Todas as accións serán gratuítas para os participantes, e pretenden dotar aos empresarios de novas ferramentas que actualicen os seus modelos de negocio e os preparen para afrontar as circunstancias actuais, derivadas da chegada da Covid-19.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
