viernes, 6 de noviembre de 2026
Os datos analizados polo Observatorio Municipal Galego, indican en nota de prensa desde a Rede Localis, posibilitan favorecer, desde a óptica pública, o coidado e a atención do tecido económico local e o desenvolvemento de políticas públicas para a cidadanía. A débeda viva per capita en 2018, detallan, era de 93 euros, mentres que o remanente de tesouraría ascendía aos 499 euros por habitante. Neste ano, engaden, o total de débeda viva dos concellos galegos era de 251,4 millóns de euros, fronte aos 1347 millóns de remanente. En consecuencia, a débeda non chegaba a representar nin o 19 % dos aforros xerados, afirman. En termos relativos respecto dos ingresos correntes, engaden, como indicador proxy da capacidade de satisfacer os importes debidos, a débeda supuña en 2018 o 11 %. O remanente de tesouraría ascendía ao 59% dos ingresos correntes. Ambos indicadores reforzan a formulación do alto grao de saneamento económico-financeiro dos concellos galegos. Unha conclusión similar pódese obter, apuntan desde o observatorio, do importe de pagos pendentes, que en 2018 representaban 122,4 millóns de euros, 45 euros por habitante, e o mesmo respecto ao período medio de pago, cifrado en 38 días, un resultado moi próximo aos 30 días que establece a normativa.
Elevados remanentes
Dado a elevada cifra de remanente dos concellos galegos, os expertos recomendan suspender as regras fiscais non só para o exercicio económico 2020 e 2021, senón ir máis aló, establecendo un escenario máis a medio prazo, indican desde a Rede Localis. A actual situación de incerteza económica e social, subliñan, precisa dunha adecuación das regras de funcionamento de todas as administracións públicas, e, en particular dos municipios, por dous motivos: a súa capacidade económica-financeira para afrontar gastos e por tratarse da administración pública máis próxima ao cidadán.
Unha segunda alternativa a expor, detallan en nota de prensa, sería reactivar o tecido económico que prové ás entidades locais galegas reducindo os trámites administrativos. Neste sentido, indican que é necesario, para recuperar o pulso económico nesta segunda onda da pandemia, potenciar a ventá única en todos os municipios de Galicia, contar con persoal nos concellos que mellore a comunicación coas empresas, dispor dunha ordenanza única reguladora para a prestación de servizos e potenciar o papel das entidades de certificación de conformidade municipal.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
