lunes, 7 de julio de 2025
É dicir, con respecto a abril de 2020, cando se rexistrou a cifra máis alta de paro, marcando o impacto inicial da crise sanitaria, hai un descenso do -2,17%. A directora xeral tamén indicou que Galicia continúa en niveis de paro inferiores aos de hai 11 anos (novembro de 2009), pese ao aumento do 13,17% rexistrado, xa que o incremento en novembro de 2009 foi do 19,91%. En canto aos datos de afiliacións, Galicia continúa con máis dun millón de cotizacións á Seguridade Social, situándose a un nivel superior ao reflectido hai dez anos.
Na comparativa mensual -o paro creceu un 3,40% con respecto a outubro- apuntou que o desemprego vén aumentando en novembro desde 1996, a serie histórica de datos, polo que o crecemento producido segue a tendencia rexistrada desde ese ano e, pese á covid-19, o incremento é moi inferior á media rexistrada entre 2008 e 2012, os anos da crise económica. Engadiu, ademais, que a subida débese principalmente ao peche parcial por recomendación sanitaria da hostalaría e á limitación perimetral.
Para facer fronte a estes datos e loitar contra a pandemia, Lado destacou que a Consellería de Emprego e Igualdade conta cuns orzamentos centrados en recuperar o antes posible o emprego que está a destruír a crise sanitaria. Son uns orzamentos para loitar contra a pandemia e construír a mellor Galicia posible con máis oportunidades laborais, afirmou.
Así, o presuposto do departamento autonómico conta con 355 millóns de euros, un 32% máis con respecto aos de 2020, duplicando a subida xeral dos orzamentos da Xunta e situándose como o máis alto de toda a serie histórica nestas áreas para facer fronte á covid-19. O reto principal é crear e manter a actividade económica, promovendo a igualdade de oportunidades. É un orzamento centrado nas persoas, cun apoio relevante nos desempregados e desempregadas e co foco posto na realidade de Galicia, no actual contexto socioeconómico xerado pola crise sanitaria para dar resposta a esta nova circunstancia, matizou.
Un dos novos retos do documento económico é a creación dun novo Servizo Público de Emprego coa posta en marcha dun renovado sistema operativo para identificar, a través da intelixencia artificial e da analítica avanzada, as necesidades do mercado laboral en tempo real para axustar a oferta á demanda. Son unhas contas para facer fronte ao impacto que está a xerar a pandemia nas familias e nos nosas traballadoras e traballadores, rematou.
Galicia experimenta unha subida no desemprego do 13,17% respecto a novembro de 2019
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
