lunes, 19 de octubre de 2026
Para acceder as mesmas deben ter ou ter tido autorizado un ERTE pola covid-19 desde a declaración do estado de alarma e aportar perdas de polo menos o 45% por mor da pandemia. Como contraprestación, os empresarios deberán comprometerse a manter o emprego 6 meses.
En canto ao sector hostaleiro, as axudas específicas para os establecementos pechados desde a implantación das medidas sanitarias do pasado mes de outubro beneficiarán a persoas traballadoras autónomas (con ou sen persoal contratado), microempresas e pemes inactivas durante un mínimo de quince días nos dous últimos meses. Ademais dos negocios de comidas e bebidas, estes apoios ábrense aos hoteis, hostais, casas rurais e outros aloxamentos situados nos concellos afectados polos peches perimetrais.
No caso dos hostaleiros, as axudas concederanse por establecemento e serán de 1.500 euros por mes de paralización da actividade desde o mes de outubro. Se os candidatos son empresarios con 10 ou máis traballadores percibirán a cantidade de 2.000 euros por mes de peche, ou a parte proporcional en ambos os dous casos se a actividade permaneceu parada por un período menor, nunca inferior aos quince días.
As axudas convocadas hoxe véñense sumar ás xa publicadas o pasado 18 de novembro dirixidas a dotar de maior liquidez ás persoas traballadoras autónomas con ou sen persoal ao seu cargo, que aínda se atopan co prazo de solicitude vixente ata o próximo 18 de decembro. Neste caso, pídese que estean dadas de alta no réxime específico de traballadores por conta propia ou no réxime de traballadores do mar, que teñan o domicilio fiscal en Galicia e ter recoñecido o cese ordinario ou extraordinario do Real Decreto Lei 30/2020. Neste caso, os perceptores deberán manter a actividade económica dada de alta durante dous meses desde a publicación da orde.
Con Plan de rescate, a Xunta pretende contribuír ao mantemento do emprego e da actividade económica de 30.000 persoas traballadoras autónomas e de 10.000 microempresas, así como apoiar a actividade dos establecementos da hostalaría afectados polos peches recomendados polas autoridades sanitarias nos concellos que, no peor dos casos, mantense inactivos desde o pasado mes de outubro.
Todas as axudas son complementarias e acumulables entre si polo que, no caso dos autónomos con establecementos hostaleiros, as contías das axudas poderán oscilar entre os 6.700 euros ata os 9.200 euros, cifras que sitúan a Galicia á cabeza das comunidades autónomas en canto aos apoios dispensados a este sector.
O plan de rescate deseñouse en colaboración cos colectivos profesionais e sectoriais. No caso dos hostaleiros, este acordo referendouse nun documento conxunto asinado por representantes da Xunta e a Mesa de negociación da hostalaría de Galicia -na que están representadas as asociacións provinciais- máis o Clúster de Turismo.
A Xunta avogou por un mecanismo de tramitación sinxelo para as axudas, electrónico e por medio dunha declaración responsable dos candidatos. Ao se tratar dun sistema áxil, estímase que as primeiras contías poderán chegar aos seus destinatarios nas próximas semanas de decembro.
A Xunta de Galicia pon en marcha no Centro Galego de Arte Contemporánea o Club de escoita, unha actividade na que as persoas participantes lle porán banda sonora ás creacións artísticas que acolle esta entidade pública e que está dirixida polo músico galego Santi Araújo. O proxecto, que bota a andar a tarde de hoxe e desenvolveranse ata finais de maio, complementarase cunha actividade que se desenvolverá no pub Modus Vivendi, na nova liña estratéxica do Centro Galego de Arte Contemporánea de abrir aínda máis a súa programación á sociedade en contacto co resto de accións culturais que se levan a cabo na súa contorna.
O presidente da Xunta informou de que o Consello deu luz verde ao proxecto de Lei de Orzamentos da Comunidade Autónoma para 2027, unhas contas que contan con 15.158 millóns de euros, 'o que supón un 6,4% máis que este ano' e que inclúen 'rebaixas de impostos para as clases medias e con menos recursos, para abaratar a vivenda e facilitar a transmisión da empresa familiar'. 'Galicia aprobará as súas contas, un ano máis, en tempo e forma. O que debería ser norma e non unha excepción para todas as Administracións. Os orzamentos son a ferramenta para que calquera Goberno poida facer axeitadamente o seu traballo.
