viernes, 23 de octubre de 2026
O documento de traballo a debate Un novo enfoque para a Estratexia Marítima Atlántica. Plan de Acción Atlántico 2.0, serviu para que NAT puidera traballar nunha resposta conxunta á consulta da Comisión Europea ao CdR sobre a nova versión do Plan de Acción Atlántico (PAA), que ten como finalidade impulsar a estratexia marítima atlántica, dar cumprimento aos obxectivos do Pacto Verde Europeo e fortalecer a recuperación dos países participantes, entre eles España.
Para iso, formuláronse varias preguntas aos integrantes de NAT, especialmente, sobre os obxectivos expostos nos seus catro alicerces, sobre o reforzo da cooperación transfronteiriza e sobre a idoneidade da posta en marcha dunha estratexia a nivel macrorrexional da conca atlántica. Unhas cuestións que contaron cunha resposta favorable de Galicia, que contribuíu ao debate achegando novos aspectos a ter en conta, como a introdución dun novo obxectivo dentro do pilar 3 do PAA (enerxías renovables mariñas) que asegure a compatibilidade da produción de enerxía renovable mariña coas actividades preexistentes (pesca, marisqueo, acuicultura). Tras o intercambio de opinións, tivo lugar un debate sobre este tema no que participou o comisario de Medio Ambiente Océanos e Pesca, Virjinijus Sinkevičius.
En canto ao documento de traballo Experiencias e leccións extraídas polas rexións e cidades durante a crise da covid-19, os integrantes de NAT fixeron balance das experiencias das cidades e rexións, como organismos cun nivel de gobernanza máis próximo á cidadanía europea, co fin de establecer unha resposta máis eficiente, baseada na mellora da lexislación a escala nacional e comunitaria e en consonancia co principio de subsidariedade activa.
Sobre o ditame Agroecoloxía, Galicia presentou catro emendas co obxectivo de, entre outros aspectos, poñer en valor a práctica da gandería ecolóxica e os seus beneficios para o medio ambiente, como o mantemento dos pastos ou a limpeza da masa forestal. A votación deste ditame está prevista para o vindeiro mércores, 25 de novembro.
Ao peche desta xornada, a comisión NAT puido debater, ademais, sobre o futuro da Política Agrícola Común (PAC) co director da Dirección Xeral de Agricultura e Desenvolvemento Rural da Comisión Europea.
Galicia na Comisión NAT do Comité Europeo das Rexións
Neste sétimo mandato do CdR que deu comezo o pasado mes de febreiro, Galicia participa nas comisións de Recursos Naturais (NAT) e na comisión de Cidadanía, Gobernanza e Asuntos Institucionais e Exteriores (CIVEX). NAT prepara os ditames de opinión dos municipios e rexións europeos en campos como a Política Agrícola Común, a pesca, o turismo ou a saúde pública.
O Comité das Rexións é a asemblea consultiva na que están representados os entes locais e rexionais da Unión Europea. En representación da Comunidade Autónoma de Galicia, o membro titular é o propio presidente da Xunta de Galicia, mentres que o cargo de membro suplente recae no director xeral de Relacións Exteriores e coa UE.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
