martes, 3 de noviembre de 2026
Nesa liña, esta iniciativa, elaborada en consenso co sector, inclúe 125 medidas agrupadas en eixes estratéxicos de produción, industria e mercados, e os transversais de cadea de valor, formación e innovación.
Deste xeito, no ámbito da formación e profesionalización, o presidente da Xunta detallou que se prevén medidas como: unha mellora da formación en todos os niveis educativos; a oferta de ciclos de FP Dual e a adaptación da Formación Profesional ás familias profesionais agrarias: un sistema que recoñeza a formación universitaria e a FP á hora de dar axudas para incorporar mozos ao sector; un ambicioso programa de formación e reciclaxe dos asesores ou a creación dunha rede de granxas piloto que permita probar novas tecnoloxías. Feijóo engadiu que tamén se elaborará un Plan de formación do persoal dos centros de formación agroforestal.
No eido da produción, a Estratexia propón a creación dun Banco de explotacións para as que non teñan relevo xeracional; unha Lei de recuperación e posta en valor da terra agraria para ampliar a base territorial das granxas e a reestruturación parcelaria en zonas de elevada carga gandeira.
No que se refire á industria e aos mercados, o obxectivo é pasar do 50% da transformación do leite en Galicia ata o 75%, salientou Feijóo. Para acadar ese obxectivo aumentarase o peso das Denominacións de Orixe Protexida de Queixo de Galicia con novos formatos adaptados ás demandas do consumo e facilitarase a entrada de novos operadores industriais, entre outras medidas.
En canto á cadea de valor, a Estratexia inclúe potenciar a entrada das cooperativas de produtores no capital de novas industrias. Necesitamos profesionalizar as cooperativas, insistiu Feijóo. Ademais, reactivarase o acordo lácteo a nivel do Estado, o Observatorio do Lácteo a nivel galego, e implantarase un sistema para calcular os custos de produción.
Finalmente, en innovación fortaleceranse as axudas para lanzar novos produtos de valor engadido e contratarase persoal máis cualificado.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
