lunes, 12 de octubre de 2026
Así, repasou os ámbitos nos que se sustancia o compromiso da AECT da Eurorrexión, tanto directamente -coa participación no proxecto BlueHuman ou a colaboración coa organización do Business2Sea- como indirectamente -a través do programa IACOBUS ou impulsando instrumentos de cooperación coma a RIS3 Transfronteriza ou o Plan de Investimentos Conxuntos (PIC)-.
A mesa redonda celebrouse no marco do Business2Sea 2020, organizado por Fórum Oceano e o Centro Tecnolóxico do Mar-Fundación Cetmar coa colaboración da AECT da Eurorrexión. O Business2Sea está a reunir ao longo desta semana a representantes de diferentes sectores vinculados co mar para debater sobre o futuro da economía azul e o compromiso co Pacto Verde.
Neste foro, profesionais, técnicos e investigadores tamén analizaron aspectos clave para o financiamento da cooperación transfronteiriza en materia de economía azul no próximo marco orzamentario 2021-2027 e presentáronse iniciativas que están a ser desenvolvidas de maneira conxunta entre Galicia e o norte de Portugal.
Cooperar buscando unha Eurorrexión máis azul
Na mesa redonda moderada polo director da AECT da Eurorrexión, Xosé Lago, interviu o profesor da Universidade de Vigo, Luis Domínguez, que adiantou algunhas liñas do que será o novo PIC 2021-2027, impulsado pola AECT, e que está a ser elaborado en coordinación coa Xunta e a Comisión de Coordinación e Desenvolvemento Rexional do Norte de Portugal (CCDR-N).
Susana Bastón, do CETMAR, e Carlos Pinho, do INESC TEC, mostraron unha proposta para a creación dunha zona de probas transfronteiriza para a produción de enerxía renovable. Este proxecto dá mostra das sinerxias que se poden xerar grazas á cooperación dentro da Eurorrexión, e que resulta de proxectos financiados polo programa IACOBUS permitindo o intercambio de persoal entre ambos organismos.
Por último, Carlos Fernandes, do Instituto Hidrográfico de Portugal, mostrou os resultados dun exercicio de loita contra a contaminación desenvolvido de maneira conxunta entre Galicia e Portugal, un ámbito no que a resposta combinada pode asegurar unha maior efectividade e un uso máis eficaz e eficiente dos recursos dispoñibles.
Foi presentada a novena edición de Intersección, Festival Internacional de Cine da Coruña, celebrada nos Cantones Cines. O festival desenvolverase do 13 ao 17 de outubro cunha programación que combina proxeccións, exposicións, formación e encontros profesionais arredor das novas linguaxes cinematográficas. Así, as seccións competitivas Galicia, Internacional e Fulgor achegarán ao público obras afastadas dos circuítos comerciais habituais e novas voces da creación audiovisual contemporánea. En concreto, a sección Internacional reúne 27 filmes procedentes de 22 países, entre os que figuran catro estreas mundiais, 17 en España e cinco en Galicia. As propostas exploran cuestións como a tecnoloxía, a memoria, o territorio e a identidade desde linguaxes e xeografías diversas.
A Real Academia Galega de Ciencias (RAGC) celebrou en Santiago, no Salón Nobre do Colexio de Fonseca, o acto do Día da Ciencia en Galicia, no que se homenaxeou á oceanógrafa Aida Fernández Ríos (Vigo, 1947 - Moaña, 2015) como Científica Galega 2026. Ademais, entregáronse as Medallas de Investigación a cinco científicas e científicos da nosa comunidade. O presidente da Academia destacou que 'Aida Fernández Ríos foi unha investigadora capaz de identificar problemas relevantes e de situalos nun contexto internacional, converténdose nunha científica respectada moito máis alá de Galicia.
