viernes, 26 de diciembre de 2025
A intervención foi a gañadora da pasada edición do Concurso de Intervencións Artísticas nas Torres Hejduk, convocado entre os participantes do IX Encontro de Artistas Novos (EAN9).
A distancia da imaxe é un proxecto artístico do Colectivo Cantz formado polos artistas visuais Felipe Romero, de Colombia, e Marius Ionut Scarlat, de Romanía que reflexiona sobre as pegadas que o Camiño de Santiago deixa nas persoas que o experimentan, desde o relato oficial a través dos selos da Compostela ou as guías de viaxes, ata as marcas deixadas no propio corpo. Para isto, constrúe un depósito de rostros e vivencias a través da experiencia dos artistas durante o Camiño recollida nun diario fotográfico a modo de fotolibro e dunha serie de entrevistas realizadas na praza do Obradoiro, que se poden escoitar nas Torres Hejduk acompañadas de retratos dos seus protagonistas. Nestas entrevistas, realizadas nun ano marcado pola pandemia, a covid-19 deixa tamén unha importante pegada nas experiencias das persoas camiñantes, que nos seus testemuños aluden ás motivacións que as levaron a emprender o Camiño no momento actual de crise sanitaria.
No acto de apertura desta intervención, o secretario xeral de Cultura destacou que o proxecto se propoña darlle unha volta ás clásicas imaxes que temos sobre o Camiño de Santiago, introducindo ademais a ollada de dous artistas non galegos que, a través do obxectivo das súas cámaras, reinterpretan esta ruta milenaria, afondando nas pegadas que deixa nas persoas que a experimentan. Anxo M. Lorenzo quixo lembrar ademais que a exposición supón un xeito de apoiar e dar visibilidade á arte contemporánea e aos artistas emerxentes, ofrecendo como lenzo un espazo tan pouco convencional como recoñecido, como son as Torres Hejduk, e a través dunha plataforma de apoio á arte tan consolidada como é xa o Encontro de Artistas Novos Cidade da Cultura.
Con este arquivo sonoro e visual, os peregrinos ven prolongada a experiencia do Camiño máis alá da súa chegada ao Obradoiro, deixando a súa pegada nestas torres situadas no cumio da faldra oeste do Gaiás, a cal está precisamente bordeada pola Vía da Prata á súa chegada a Compostela.
Colectivo Cantz
O proxecto do Colectivo Cantz foi elixido como vencedor entre as 11 propostas presentadas ao VII Concurso de Intervencións Artísticas nas Torres Hejduk. Os seus autores traballan a partir da imaxe fotográfica e teñen desenvolvido proxectos en Italia, Colombia, Arxentina, Romanía ou Israel, abordando cuestións como o territorio, a historia e a identidade. A súa traxectoria sitúaos nos límites da lóxica documental, interesándose especialmente en lugares que permiten expandir o medio fotográfico, servindo como dispositivo de reflexión visual.
Felipe Romero Beltrán (1992, Colombia) é fotógrafo e artista visual. Desenvolveu proxectos artísticos en países como Colombia, Arxentina, Israel e España. Actualmente, investiga arredor da imaxe fotográfica e as tensións no territorio. Foi premiado en certames como ArteCámara ARTBO 2019, Encontros da Imagem Discovery Award 2019, Tabacalera Cantera 2019, Photoespaña 2019, New York Times Call 2019, Sony Photography Awards, Canon Student program, Visa pour limage, Burn Magazine Magnum Foundation, Luca Dolega París, ou World Nomads Japón.
Marius Ionut Scarlat (1993, Romanía) está graduado en Comunicación Audiovisual pola Universidade de Alcalá, pero comezou a súa carreira como fotógrafo tras rematar o Máster en Fotografía artística na Escola TAI. Desenvolveu o seu traballo fotográfico en países como Romanía de onde é orixinario, España, Reino Unido ou Italia. Participou en concursos nacionais e internacionais como PhotoEspaña, Magnum Foundation, Tabacalera, La Máquina, World Nomads, Visa pour limage ou Matera European Photography.
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
