lunes, 10 de agosto de 2026
Subliñou ademais que esta iniciativa global, que forma parte dos 108 remitidos ao Goberno central para optar aos fondos da UE, baséase na innovación, na tecnoloxía, na dixitalización, na sostibilidade, na formación e no talento.
Ao longo da súa intervención, o presidente do Executivo galego aseverou que estes programas contan cun nexo común: mellorar a competitividade do sector da automoción en España.
Deste xeito, inciden no mantemento da competitividade e a promoción da transformación das factorías e empresas do sector de compoñentes; nas capacidades loxísticas para abaratar custes e na formación continuada dos traballadores, que necesitan formación para o novo paradigma de construción de vehículos; así como na dixitalización das fábricas. Así mesmo, refírense á construción dunha infraestrutura singular para poder probar os coches autónomos e os coches conectados; e a un laboratorio tecnolóxico de propulsión limpa, que permita aproveitar o potencial do hidróxeno verde, complementando este proxecto.
O presidente da Xunta destacou que esta iniciativa global alimenta 24.000 empregos e supón, non só para Galicia, senón para España, non perder a competitividade do sector da automoción. Ademais de subliñar que, con esta presentación, Galicia volve mandar unha mensaxe de aposta pola innovación e de apoio ao sector da automoción.
Así mesmo, trasladou a importancia de que na Mesa da Automoción, que terá lugar o próximo 23 de novembro entre o Goberno central e o sector, estes proxectos de competitividade estean na orde do día.
Feijóo concluíu garantindo o compromiso co sector da automoción, estratéxico para a Comunidade. Queremos seguir estando dentro das rexións europeas máis competitivas; que Galicia siga a ser unha das grandes rexións europeas na produción de vehículos e compoñentes, sentenciou.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
