miércoles, 15 de abril de 2026
Neste senso, subliñou que con respecto a abril deste ano, a Comunidade galega está a recuperar emprego, o que supón un descenso do paro neste período (entre abril de 2020 e outubro de 2020) dun -5,39%. Así mesmo, indicou que o desemprego sitúase a un nivel inferior ao de hai 11 anos, pese á subida rexistrada.
En canto ás afiliacións, a responsable de Formación e Colocación indicou que a Comunidade galega supera o millón de cotizacións (1.012.018) situándose a un nivel superior ao reflectido hai dez anos.
Na evolución mensual, o paro tamén aumenta, aínda que case dous puntos menos que en outubro de 2019. O desemprego medra con respecto a setembro deste ano nun 2,68% fronte á suba do 4,66% rexistrada en outubro de 2019 con respecto a setembro dese ano. Neste senso, Lado apuntou que o incremento deste outubro continúa a tendencia rexistrada en Galicia desde 1996 (serie histórica de datos).
Con respecto ás afiliacións, crecen nun 0,02%, un dato positivo, xa que é un feito habitual que a Comunidade perda cotizantes no mes de outubro. Así, acada o mellor resultado de toda a serie histórica (ano 2005) nun mes de outubro.
Para Zeltia Lado, os datos de paro de outubro reflicten as consecuencias da crise sanitaria e, por iso, reafirmou o compromiso da Xunta de continuar traballando e deseñando medidas da man dos axentes sociais e económicos para recuperar no menor tempo posible o emprego perdido desde o inicio da pandemia e reactivar a economía mediante o fomento do traballo de calidade.
A directora xeral afirmou que a máxima prioridade do Goberno galego é crear emprego para axudar ás familias que máis están sufrindo os efectos desta pandemia. Así, engadiu que a Xunta leva traballando desde o primeiro momento para axudar aos sectores económicos máis afectados co obxectivo de que os traballadores e traballadoras de Galicia poidan manter o seu emprego e aqueles que o perderon poidan incorporarse ao mercado laboral canto antes.
Axenda de Emprego
Lembrou que a Administración autonómica activou unha nova Axenda de Emprego adaptada ao novo contexto socioeconómico para dar unha resposta áxil aos efectos da covid-19. Con esta planificación, que Lado definiu como realista para apoiar ás familias, a Xunta prevé mobilizar máis de 225 millóns de euros a través de 30 medidas que beneficiarán a máis de 65.000 persoas.
Para axudar aos sectores máis afectados, a Administración autonómica está perfilando no seo do Diálogo Social e na Mesa do Emprego Autónomo o Plan de rescate para persoas traballadoras autónomas e microempresas. Trátase dunha iniciativa dotada con 70 millóns de euros para apoiar a actividade económica de 30.000 autónomos e 10.000 microempresas.
En definitiva, Lado sinalou que a Xunta traballa con realismo e, por iso, actualizou a planificación autonómica en materia laboral co principal obxectivo de poñer en marcha medidas que axuden ás familias galegas a paliar os efectos da crise sanitaria o antes posible.
O xornalista galego de elDiario.es José Precedo, que defendeu o dereito ao segredo xornalístico ante o Tribunal Supremo, é o gañador do XXII Premio Xornalistas de Liberdade de Prensa, convocado polo Colexio Profesional de Xornalistas de Galicia coa colaboración do Concello de Pontevedra. Precedo recibirá o premio en Pontevedra o vindeiro 9 de maio na Casa Consistorial. A sala de prensa do Concello de Pontevedra acolleu o anuncio da candidatura gañadora da vixésimo primeira edición do Premio Xornalistas de Liberdade de Prensa, organizado polo Colexio Profesional de Xornalistas de Galicia coa colaboración do Concello de Pontevedra. O acto contou coa presenza do alcalde Miguel Anxo Fernández Lores, a decana do Colexio Belén Leal e o secretario do premio Darío Janeiro.
Esta edición do Encontro de Artes Novas contará coa participación de talentos recoñecidos como a escritora, comisaria e podcaster Sonia Fernández Pan, que realiza desde 2021 a serie de podcasts The Tale and The Tongue co Instituto de Arte, Xénero e Natureza da Escola Superior de Deseño e Arte de Basilea. Ou a dupla artística Clo-Plas, unha proposta sonora única e radical da poeta e xornalista Xiana Arias e o artista e investigador Berio Molina, que fusionan versos e electro-pop minimalista coa oralidade popular da Fonsagrada. O programa inclúe tamén cunha conversa co profesor e investigador en Filosofía da Tecnoloxía, Pablo Sanguinetti, autor do libro Tecnohumanismo. Por un diseño narrativo y estético de la inteligencia artificial e de numerosos artigos académicos e divulgativos sobre a intersección entre tecnoloxía, humanidades e creatividade.
