viernes, 6 de noviembre de 2026
Ademais, a comunidade galega conseguiu manter o valor da estadía media o mes pasado nos establecementos hoteleiros galegos mentres que na media española descendeu en case un 30%.
Acumulado do ano
A evolución da demanda turística na comunidade galega tamén é mellor que a media de España no que vai de ano. Entre xaneiro e setembro, Galicia foi unha das autonomías nas que menos descenderon as pernoctacións. Pese á baixada dun 60%, son 12 puntos menos que a caída dun 72% desta variable en España. Na ocupación, ese diferencial volve ser positivo, en concreto, en case 9 puntos, tendo en conta que o descenso en Galicia foi do 15% respecto ao mesmo período de 2019, fronte ao 24% do conxunto estatal.
Por outra parte, no relativo á demanda xeral, a comunidade galega tamén rexistrou un comportamento mellor en relación á media do resto do Estado, cun 60% menos de viaxeiros en comparación co 66% de caída a nivel nacional.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
