miércoles, 4 de noviembre de 2026
Na serie STRPTS, Cinema Sticado non emprega ningún tipo de material audiovisual pregravado e tanto a imaxe filmada como os sons e voces xéranse e procésanse en tempo real por ferramentas dixitais controladas polos propios intérpretes antes de seren proxectadas. Episodio 1: Mirlo & Rula é o seu primeiro traballo de cine ao vivo, que nace despois de máis de dous anos de experimentación. Nel, un home discreto, Mirlo, e unha muller soñadora, Rula, protagonizan esta historia na que cruzarán os seus destinos nunha fuxida tinguida de intriga e sangue, nun mundo en desequilibrio coa natureza e os dereitos sociais e ateigado de corrupción política.
En STRPTS // Fin de tempada, Cinema Sticado segue a xogar coa súa cacharrada analóxico-dixital para compoñer con intriga, humor e maxia unha aventura que xira arredor da manipulación e o poder e a posibilidade de combatelos. Os protagonistas son dous frikis humanos que teñen a misión de facer unha película na unha selva está a piques de desaparecer, dous fuxitivos agardan nunha casa illada, un Ministro e o seu fillo ambicionan o poder, e no medio de todos eles
un maletín.
Con PYKA: o corazón na eclipse péchase a programación semanal do Salón Teatro. A música en directo do Trío Caspervek forma parte deste espectáculo de teatro visual con monicreques de tamaño humano, que foi estreado en xullo na Mostra Internacional de Teatro Cómico e Festivo de Cangas. PYKA é a historia e o remake dunha película desaparecida, unha emocionante viaxe polo íntimo da memoria. O punto de partida é un relato familiar de Helena Varela, que sitúa a súa avoa Gelines como única testemuña dunha película de animación do director de cine Sergei Eisenstein, en colaboración con Olga Lebèdev, e da cal só queda un documento sonoro e o seu título: PYKA.
Creacións colectivas
O enxeñeiro, artista e profesor Xosel Díez e a actriz Helena Varela conforman este colectivo que conta para os procesos creativos coa colaboración do pintor Xabier Varela, o dramaturgo Julio Fer, a formación musical Caspervek e a actriz e directora Noemi Rodríguez.
Cinema Sticado ten participado en numerosos festivais galegos e internacionais de Portugal, Suíza, Bulgaria ou Polonia. Neste último país, gañou en 2017 o premio Innovative Approach To Puppetry Animation no III International Animation Art Festival.
O Salón Teatro continúa deste xeito coa súa actividade pública, aínda que restrinxida a unha ocupación dun máximo de 30 persoas no patio de butacas, en cumprimento da última normativa publicada no Diario Oficial de Galicia (DOG). As localidades para os tres espectáculos pódense adquirir en liña a través do servizo de entradas Abanca e no despacho de billetes do propio Salón Teatro, na rúa Nova de Santiago de Compostela, dúas horas antes do inicio de cada función.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
