Noticias

A Xunta de Galicia reforzou a atención ás vítimas da violencia machista durante a emerxencia sanitaria

O goberno galego puxo en marcha un plan para reforzar o apoio ás mulleres vítimas de violencia de xénero durante o período de confinamento domiciliario forzado polo coronavirus, para mitigar as situacións potencialmente conflitivas debido a perfís violentos que se poderían agravar debido ao illamento. Dentro da crise sanitaria e económica que aínda vivimos, os recursos que se poñen ao dispor das vítimas da violencia son máis necesarios que nunca. Detallamos a continuación os principais elementos deste plan, que foron difundidos tamén a través dunha ampla campaña institucional para asegurar que chegasen ás potenciais beneficiarias.

Mantemento da operatividade normal dos servizos habituais

Dentro destes servizos figuran o teléfono de atención da Xunta de Galicia (900 400 273), en funcionamento todos os días as 24 horas do día; asesoramento xurídico online; apoio psicolóxico xeral, presencial e online; apoio psicolóxico específico para vítimas de violencia sexual; garda psicolóxica permanente para apoio na presentación de denuncia ou en sede xudicial; seguimento das vítimas dende Punto de Coordinación das Ordes de Protección; apoio psicolóxico e social nas Oficinas de Atención ás Vítimas en sede xudicial; servizos de carácter administrativo por teléfono e correo electrónico; axudas económicas; centro de Recuperación Integral para mulleres que sofren violencia de xénero, e o Centro de Emerxencia de Vigo.

Reforzo da rede de Centros de Acollida

Como medida inicial todos os centros xa existentes (tanto os de titularidade municipal como os vinculados a entidades sociais e ONGS) estiveron abertos e prestando servizo. Pero para complementar estes servizos durante o período de alarma, ofrecéronse recursos alternativos constituídos por grupos de intervención e apoio psicolóxico, social e asesoramento xurídico, con persoal especializado establecido en centros temporais en albergues, hostais e pensións. Finalmente, foi ampliado tamén o servizo de traslado de vítimas a centros de acollida, ofrecido en colaboración con Fegataxi.

Bono de aluguer social

Co obxectivo de minimizar o impacto económico do estado de alarma nas vítimas, ampliouse o Bono de aluguer social, de xeito que a Xunta de Galicia asumiu o pago do 100% do aluguer.

Datos do primeiro semestre de 2020

A raíz de todo o anterior, podemos ofrecer unha serie de datos relacionados co funcionamento deste plan durante os primeiros seis meses do ano 2020 en Galicia:

- As axudas do goberno autonómico a mulleres vítimas de violencia machista foron incrementados nun 27,5% (505 beneficiarias, 109 máis que no mesmo período do ano anterior.
- Tamén subiron un 35% as consultas no teléfono de Información á Muller nos primeiros seis meses (1.842 consultas, 477 máis que en 2019).
- O incremento das consultas nos 82 Centros de Información á Muller foi do 16,6% (5.465 consultas en total, cun incremento de 779).
- O programa de atención psicolóxica a mulleres, fill@s e persoas dependentes atendeu a 624 persoas nos seis primeiros meses (supón un descenso de 32 persoas).
- Un total de 142 persoas pasaron polas casas de acollida, 78 mulleres e 64 menores (13,4% menos que no ano pasado). 5 mulleres foron acollidas nos recursos alternativos.
- O importe das axudas destinadas a fomento da contratación nos Concellos de mulleres que sofren violencia de xénero, recollidas no Pacto de Estado contra a Violencia de Xénero, superou os 1,8 millóns de euros (485.000 máis que en 2019).
- Do mesmo xeito, o importe das axudas do programa Emega (para emprendemento feminino) superaron os 2,1 millóns de euros, cun incremento de 343.368 .
- Finalmente, as axudas de pago único para a atención de vítimas de violencia de xénero ampliouse en 600.000 , chegando así aos 1,8 millóns de euros.

R., 2020-10-13

Actualidad

A G-Night 2026 levará medio milleiro de investigadoras e investigadores e máis de 150 actividades científicas ás sete cidades galegas

Foto del resto de noticias (gnight-2026.jpg)

Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.

Galicia reclama ao Goberno de España medidas estruturais de apoio ao sector agrogandeiro e que se teña en conta a realidade de cada territorio

Foto de la tercera plana (20260916-xunta.jpeg)

A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.

Notas

Ponse en marcha o protocolo entre as tres universidades galegas e o SERGAS en materia de acompañamento psicolóxico ao estudantado

A colaboración entre a UDC, a USC, a UVigo e o Sergas permitirá reforzar a prevención, facilitar a detección temperá de situacións de malestar emocional e garantir a continuidade asistencial cando sexa necesaria. O documento nace do traballo conxunto de profesionais das tres universidades e da Administración sanitaria, integrando a experiencia práctica e a evidencia científica.

Unha exposición recupera a pegada literaria das grandes mulleres da Baixa Idade Media

Berenguela de Castela, María de Molina, Inés de Castro, Leonor de Guzmán, María de Padilla ou Catalina de Lancaster son algunhas das mulleres que protagonizan 'Señoras de Castilla. Reinas y damas medievales en la literatura peninsular', a exposición que pode visitarse na Facultade de Filoloxía e Tradución. A mostra percorre a vida e a fortuna literaria de catorce figuras femininas da nobreza da Baixa Idade Media.