sábado, 7 de noviembre de 2026
O xurado elixiu a obra da escritora de Vila Nova de Gaia entre as 28 obras presentadas nesta edición -9 escritas en galego e castelán e 19 en portugués-, por contar cunha escrita elegante, madura e coherente, e cunha forte utilización da estética. Ademais, sinalou a calidade dos traballos presentados nesta edición e a uniformidade na temática en torno á covid-19.
Nas seis edicións precedentes deste concurso participaron arredor de 230 publicacións presentadas por mozos entre 16 e 36 anos. Así, Célia Fraga súmase ás escritoras galegas Lara Dopazo, Cecilia Santomé e Sabela Varela e aos dous escritores portugueses, Rui Cerqueira Coello e Sara Brandao como vencedores deste galardón.
O premio literario Nortear enmárcase no proxecto europeo co mesmo nome, levado a cabo pola AECT da Eurorrexión en colaboración coa Xunta e a Dirección Rexional de Cultura do Norte de Portugal, baseado na vontade dos organismos implicados de promover a cooperación multicultural transfronteiriza na Eurorrexión, co obxectivo de converter a cultura de Galicia e o Norte de Portugal en referente a nivel europeo.
Plataforma web
Debido ao éxito da iniciativa cultural Nortear, a AECT da Eurorrexión Galicia-Norte de Portugal promoveu a posta en marcha dunha plataforma web, desde a que se optimizará a xestión integral de tódalas iniciativas e actividades asociadas a este programa, ao mesmo tempo que se simplificarán os procedementos para participar e xestionar as convocatorias do premio literario Nortear, coa presentación das obras por plataforma electrónica.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
