sábado, 25 de abril de 2026
A Xunta apoia a través de FEST Galicia a programación do Revenidas en Conserva, que terá lugar do 10 ao 13 de setembro como edición especial e en formato reducido do festival que se celebra cada verán no núcleo de Vilaxoán, en Vilagarcía de Arousa. Trátase dun dos 13 eventos integrantes da marca impulsada pola Consellería de Cultura e Turismo, mediante a que en 2020 se lles facilita á adaptación das propostas á actual situación sanitaria, pero mantendo as características de calidade, respecto ao medio ambiente e responsabilidade social que os asocian a esta iniciativa do Goberno autonómico.
En concreto, o Plan de reactivación dos sectores cultural e turístico fronte aos efectos da covid-19 reservou 400.000 euros para os eventos FEST Galicia deste ano, co obxectivo de desenvolver diferentes actividades particularizadas e consensuadas tanto coa Asociación de Festivais de Galicia como con cada unha das citas. Así o explicou hoxe o director da Agadic, Jacobo Sutil, na presentación en Vilaxoán do Revenidas en Conserva xunto coa organización do festival e os representantes do resto das entidades colaboradoras.
Escenario principal
Neste caso, FEST Galicia patrocina o escenario onde se desenvolverán os catro concertos do cartel principal, cunha capacidade limitada a un máximo de 500 persoas e coa estrita aplicación das correspondentes medidas para garantir a seguridade de público, artistas e equipo técnico. Alí actuarán Sés e Zeltia Irevire o venres 11 e Ortiga e Dakidarría en acústico o sábado 12.
O festival, que este ano lle concede todo o protagonismo á música e á cultura de Galicia, ten preparadas tamén diferentes actividades paralelas, de balde e con inscrición previa para o control da capacidade, entre as que se atopan as actuacións De Vacas e Cuernicornios, Quico Cadaval e Monoulious DOP ou as gala de circo e de Festivala, coa Lupe Blanco, Alba María, Suricar, Rebeca Santos e Aldaolado.
Ademais de Revenidas en Conserva, forman parte de FEST Galicia 2020 os xa celebrados Vive Nigrán, Sinsal Litoral SON Estrella Galicia, Festival 17º Ribeira Sacra, MicroSonRías Baixas, Atlantic Fest/FestGalicia Xacobeo 2021 e Resurrection Fest 2020 Online Edition, así como WOS Talks X FEST Galicia, Cantos na Maré/Compostela na Maré, Underfest SON Estrella Galicia, Festival de la Luz Edición Leiras, As Noites de Caudal Fest e PortAmérica/Talento galego para levar.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
