Noticias

As brigadas de investigación de incendios forestais en Galicia contan con drons para a vixilancia de incendiarios, detección e extinción de lumes

Galicia dispón este ano de 10 novos drons para vixilancia, detección e extinción de lumes. Se o ano pasado foron dous os dispositivos empregados, son agora 12 os vehículos non tripulados da Xunta de Galicia que funcionan durante a tempada de alto risco de incendios, é dicir, desde o 1 de xullo ata o 30 de setembro. As funcións destes aparellos son moi variadas, e non se limitan á vixilancia preventiva, á detección e á extinción, senón que tamén colaboran na medición e avaliación de superficies queimadas, na localización de incumprimentos relacionados coa xestión da biomasa ou as distancias de plantación, ou na detección de posibles delitos que poida derivar nun risco de incendio forestal.

Durante o pasado mes de xullo tiveron lugar unha serie de formacións destinadas a pilotos profesionais, 12 cursos complementarios aos impartidos en anos anteriores.

Os drons teñen un tempo de voo aproximado de entre 20 e 30 minutos, e incorporan as últimas tecnoloxías dispoñibles para a loita contra o lume: cámara dual con diversos modos de visualización, sistema anticolisión perimetral (sensores frontal, inferior, traseiro, superior e lateral) e sistema de control baseado nunha emisora cun alcance de 3,5 quilómetros de distancia.

Noticia Toda esta tecnoloxía está orientada a ofrecer información en tempo real, con envío de cartografía e determinación de puntos quentes, para facilitar a toma de decisións ante incendios activos ou estabilizados e atallar o antes posible novos focos.

Rede de Videovixilancia Forestal

A Rede de Videovixilancia Forestal da Xunta de Galicia conta con 120 cámaras de última xeración espalladas por todo o territorio galego (32 máis que o ano pasado, no que se contaba con 88). Son elementos de vixilancia fixa que veñen a complementar o traballo realizado polos dispositivos móbiles e que cobren o 60% da superficie da nosa comunidade.

R., 2020-08-21

Actualidad

A G-Night 2026 levará medio milleiro de investigadoras e investigadores e máis de 150 actividades científicas ás sete cidades galegas

Foto del resto de noticias (gnight-2026.jpg)

Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.

Galicia reclama ao Goberno de España medidas estruturais de apoio ao sector agrogandeiro e que se teña en conta a realidade de cada territorio

Foto de la tercera plana (20260916-xunta.jpeg)

A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.

Notas

Ponse en marcha o protocolo entre as tres universidades galegas e o SERGAS en materia de acompañamento psicolóxico ao estudantado

A colaboración entre a UDC, a USC, a UVigo e o Sergas permitirá reforzar a prevención, facilitar a detección temperá de situacións de malestar emocional e garantir a continuidade asistencial cando sexa necesaria. O documento nace do traballo conxunto de profesionais das tres universidades e da Administración sanitaria, integrando a experiencia práctica e a evidencia científica.

Unha exposición recupera a pegada literaria das grandes mulleres da Baixa Idade Media

Berenguela de Castela, María de Molina, Inés de Castro, Leonor de Guzmán, María de Padilla ou Catalina de Lancaster son algunhas das mulleres que protagonizan 'Señoras de Castilla. Reinas y damas medievales en la literatura peninsular', a exposición que pode visitarse na Facultade de Filoloxía e Tradución. A mostra percorre a vida e a fortuna literaria de catorce figuras femininas da nobreza da Baixa Idade Media.