viernes, 27 de marzo de 2026
Neste senso, Feijóo reclamou un protocolo único para todo o sistema educativo español porque necesitamos criterios claros e homoxéneos. Por outra banda, o presidente lembrou a decisión de incorporar a 240 novos docentes para cumprir a ratio de 25 alumnos por aula. Ademais, a partir da vindeira semana, comezaranse a realizar probas serolóxicas a todo o persoal dos centros de ensino non universitario e de FP. Serán en total 40.000 profesionais os que participarán nesta mostraxe, previa ao inicio do curso escolar, buscando, coma sempre, a máxima seguridade, sinalou.
Detección de casos
O presidente da Xunta valorou que seguimos realizando unha intensísima labor na detección de casos positivos. De feito, na área sanitaria da Coruña estanse a realizar unha media de 900 PCR diarias, o triplo do que se facía, por exemplo, no mes de abril.
O luns comezou o cribado dos colectivos especialmente sensibles e máis expostos -Policía, Protección Civil, profesionais de farmacia, funcionarios da administración local, traballadores de axuda no fogar-. Deste xeito, xa se realizaron 460 probas nos concellos de Abegondo, Bergondo e A Coruña. E hoxe mesmo arrinca un programa de cribado da poboación entre 18 e 40 anos da cidade da Coruña, onde se vai invitar a participar a arredor de 1.000 persoas diariamente, ata chegar aos 62.000 que pertencen a esa franxa de idade.
Precisamente sobre a situación na área da Coruña, que nas últimas semanas acaparou aproximadamente tres de cada catro novos casos que se producen en Galicia, Feijóo informou de que se está a reducir a taxa de incidencia por cada 100.000 habitantes e non se constatou transmisión a outras comarcas.
O Comité clínico valorou a posibilidade de tomar novas medidas restritivas, como novas reducións de aforo ou novos controis. Na reunión do próximo venres avaliarase a situación e valorarase a necesidade de establecer algunha medida concreta de aforos. Neste senso, o presidente da Xunta insistiu en que o importante é cumprir as medidas que temos en vigor desde fai 14 días nesta área.
Eido sociosanitario e explotacións agrícolas
Na mesma liña de realizar cribados para a detección de casos, o Comité clínico aprobou a instrución para que se lles realicen probas diagnósticas a todos os novos residentes das residencias sociosanitarias, así como aos empregados que se incorporen con novo contrato ou regresen aos centros despois de permisos ou vacacións. O presidente da Xunta lembrou o límite das visitas a unha persoa por residente e cunha duración máxima dunha hora ao día.
O Comité clínico tamén aprobou definitivamente o protocolo de explotacións agrícolas con traballadores temporeiros. Así Feijóo sinalou que o obxectivo é incrementar a seguridade sanitaria nas campañas conxugando a continuidade da actividade coa saúde dos traballadores. Deste xeito, a partir do mañá, 20 de agosto, comezaranse a realizar probas diagnósticas a arredor de 3.000 ou 4.000 traballadores.
Feijóo insistiu na necesidade de manter as prevencións e estar sempre alerta porque o virus segue aí. E remarcou que as persoas que se encontran en corentena deben de cumprila, independentemente de se a PCR é positiva ou negativa. A PCR negativa non exime de cumprir a corentena na súa totalidade, insistiu, engadindo que aínda que saír á rúa ou ter contacto con familiares e amigos poida parecer inofensivo, pode significar novos contaxios e poñer en perigo a vida doutras persoas.
O presidente da Xunta concluíu advertindo que hai que ser responsables para non ter que dar pasos atrás que serían dramáticos para a nosa economía e tamén para a nosa saúde.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
