domingo, 13 de julio de 2025
O conselleiro de Economía, Emprego e Industria, Francisco Conde, participou esta mañá mediante videoconferencia na posta en marcha da terceira edición da Business Factory Aero, a aceleradora do sector aeronáutico e de vehículos non tripulados enmarcada no Polo Aeroespacial de Galicia.
Con esta convocatoria, asegurou Conde, ratifícase a Galicia e a Lugo como epicentros da innovación e do emprendemento no sector aeroespacial, cunha aposta decidida polo talento e pola innovación.
O titular de Economía, Emprego e Industria puxo en valor a importancia da colaboración público-privada neste tipo de proxectos, e subliñou a necesidade de apostar por iniciativas que sumen valor engadido, asegurando a competitividade, fomentando un ecosistema emprendedor e atraendo novos investimentos. Así, chamou a apoiar sectores emerxentes como o aeroespacial para contribuír á recuperación económica de Galicia e do seu tecido empresarial tralo impacto da covid-19.
Neste senso, o conselleiro lembrou que a Xunta continúa a incentivar esta industria coa consulta pública realizada en paralelo á terceira convocatoria, e que servirá de folla de ruta para o Polo Aeroespacial de Galicia para o período 2021-2025, cunha mobilización de 160 millóns de euros.
O obxectivo, remarcou Conde, é facilitar que Galicia asuma o liderado no sector dos vehículos aéreos non tripulados, contribuíndo así a unha transformación tecnolóxica do tecido industrial, a un empuxe á innovación sectorial, a un maior crecemento económico e á xeración de novas oportunidades laborais.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
