lunes, 3 de agosto de 2026
O Consello da Xunta ven de dar luz verde ao Cheque Autónomo Seguimos Adiante, un novo programa enmarcado no Plan de reactivación económica de Galicia e consensuado co sector que ten como obxectivo consolidar o emprego neste colectivo e apoialo para facer fronte aos gastos do día a día.
A medida conta cun orzamento de 16M e prevese apoiar a un total de 35.000 autónomos financiando o 100%, ata un límite de 1800 euros, do custo de determinados gastos correntes, como loxística e transporte de envíos (ata 3 por envío); o pago por estar nunha plataforma de e-commerce local; o pago por licenza de uso de software de venda online; promoción en redes sociais; gastos correntes de seguridade motivados pola covid-19, entre os que se encontran os gastos en máscaras, guantes, desinfectante, limpeza, biombos e asesoramento en prevención de riscos laborais; e os gastos de subministracións e telecomunicacións.
Estas axudas prevén anticipos do 100% e cubrirán os gastos realizados desde a declaración do estado de alarma ata o 31 de decembro deste ano. O autónomo beneficiario deberá estar en activo e adquirir o compromiso de manter a actividade e o emprego durante tres meses.Con esta iniciativa preténdese favorecer a consolidación dun emprego autónomo estable e de calidade, xa que a actividade das empresas é vital para a recuperación do emprego e, neste caso, o autoemprego é unha vía eficaz para facilitar a incorporación ou reincorporación ao mercado laboral das persoas desempregadas.
O Cheque Autónomo enmárcase no Plan de reactivación económica de Galicia, onde este colectivo pode acceder a axudas que suman 122 M. A nova medida tamén está en liña coa Estratexia do Autónomo de Galicia.
O Instituto de Estudos e Desenvolvemento de Galicia (IDEGA) da USC presentou o 40º informe 'A Economía Galega', un estudo que realiza de maneira ininterrompida dende 1986. Os seus directores, Dolores Riveiro e Melchor Fernández, explicaron que o documento se pode resumir nunha 'evolución favorable na maior parte dos sectores de actividade, confirmando unha notable capacidade de adaptación nun contexto internacional complexo'. Os datos de 2025 son 'claramente positivos', afirmaron. 'Galicia pechou o ano co maior aumento de ocupación da última década, no que as mulleres concentran o avance e a inmigración se consolida como un dos grandes motores do emprego'.
A Xunta e as tres universidades pública galegas pecharon hoxe o acordo para reformar a estrutura de organización da Proba de Acceso á Universidade (PAU). O obxectivo, tal e como destacou o conselleiro de Educación, Ciencia, Universidades e FP, Román Rodríguez, 'é procurar a maior coordinación para garantir que as probas sexan adecuadas ao nivel e contidos do currículo de Bacharelato e que se corrixan con criterios que reflictan a boa preparación do alumnado galego'. o.
