sábado, 7 de noviembre de 2026
Ademais, outra novidade para estas eleccións, será tamén a posibilidade de entregar o voto no mesmo momento no que se recibe a documentación no domicilio, sen necesidade de desprazarse á oficina de Correos.
Residentes no exterior
A Xunta Electoral Central tamén acordou ampliar os prazos de solicitude, envío e depósito do voto dos residentes no exterior.
Así, ampliarase o prazo de solicitude do voto dos electores residentes de forma permanente no estranxeiro (CERA) e dos residentes temporalmente no estranxeiro (ERTA) ata o 16 de xuño. Previamente, o límite era o 13 de xuño.
Do mesmo xeito, tamén se amplía o prazo que teñen os electores inscritos no CERA para enviar por correo o seu voto aos consulados cando opten por esta opción. Inicialmente, o límite estaba fixado para o 7 de xullo, e agora pasará a ser o sábado 11 de xullo.
Os inscritos no CERA que opten por votar nos consulados tamén terán máis prazo. En concreto, ata o 12 de xullo ás 20 horas (horario peninsular). O prazo inicial que estaba fixado era entre o 8 e o 10 de xullo. Para cumprir con estas novas medidas, a Xunta Electoral Central determinou tamén que os consulados deberán abrir o sábado 11 e o domingo 12.
En canto á petición da Xunta de que se protocolizara o voto dos usuarios de residencias de maiores, persoas enfermas ou persoas en situación de illamento preventivo, a Xunta Electoral Central entende que xa se estableceron medidas de flexibilización e que non é necesario neste momento habilitar medidas adicionais.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
