viernes, 6 de noviembre de 2026
Esta baixada é tamén inferior á rexistrada pola economía española no mesmo período, que segundo a estimación realizada polo INE foi do 5,2%, tres décimas máis. Desde o punto de vista da demanda, no primeiro trimestre do ano o gasto en consumo final diminuíu un 4,4% en comparación co mesmo trimestre de 2019, mentres que a formación bruta de capital retrocedeu un 7,1%, o que provocou que a achega da demanda interna en termos nacionais- sexa do -5,1 puntos.
En canto á demanda externa, os datos do IGE indican que as exportacións de bens e servizos diminuíron un 2,7% e as importacións de bens e servizos caeron tamén un 5,1%. A contribución do sector exterior ao crecemento do PIB galego é de 1,5 puntos.
Sectores
No que respecta á oferta, a industria foi o único sector que rexistrou crecemento, cun crecemento do 0,7% sobre o primeiro trimestre de 2019. Pola contra, o sector da construción retrocedeu un 8,9% e o sector servizos baixou un 3,7%, cunha maior afectación nas actividades máis afectadas polo cese de actividade na segunda quincena de marzo, especialmente o comercio, transporte e hostalería (-9,8%) e as actividades artísticas e recreativas (-9,5%). En canto ao sector primario (agricultura, silvicultura, gandería e pesca) descendeu un 1,1%.
Finalmente, as Contas económicas trimestrais do IGE mostran que o emprego -medido en termos de postos de traballo equivalentes a tempo completo- diminuíu un 1,3% no primeiro trimestre. As ramas de actividade nas que máis se reduciu o emprego foron as actividades artísticas, recreativas e outros servizos (-5,0%), e a construción (-4,3%).
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
