viernes, 30 de octubre de 2026
Esta investigación europea -que pretende analizar a evolución das tecnoloxías marítimas en Europa para elaborar un plan estratéxico que mellore a competitividade da industria a través dunha adecuación das formacións existentes- tamén destaca que no futuro terán un papel relevante na construción naval outros eidos como a dixitalización, a automatización e a robótica avanzada. Ante estas previsións, o obxectivo é poder adaptarse a estes novos escenarios impulsando a formación continua, en particular o emprego, e combinala con outros aspectos como as prácticas ou as mobilidades de carácter formativo.
Tendo en conta os resultados obtidos, o proxecto MATES deulle prioridade a 21 liñas de acción estratéxica para a capacitación do naval e da industria das enerxías renovables. Nese contexto está iniciando xa 11 experiencias piloto nas que se desenvolverán materiais didácticos, programas de capacitación e metodoloxías formativas ao tempo que se analizarán as vías para estender o uso dos principais resultados destas experiencias a outras rexións europeas co obxecto de promover a adopción dunha estratexia conxunta de formación na industria marítima europea.
O seminario que se celebrará o próximo venres entre as 11.00 e as 13.00 horas está organizado por National Hub Spain e nel abordaranse as necesidades de formación e capacitación en materia de economía azul no Atlántico, exporanse os esforzos que se están realizando e analizaranse as posibilidades de adoptar unha estratexia conxunta neste eido.
O proxecto MATES
O consorcio do proxecto MATES, que está financiado pola Unión Europea a través do programa Erasmus+, conta coa participación de máis de 180 expertos colaboradores e pretende sumar os esforzos das comunidades educativas e científicas coa industria, a sociedade e a Administración coa finalidade de analizar as necesidades das capacidades dos traballadores para elaborar un plan de acción a longo prazo.
O seu labor, que comezou no ano 2018 e continuará ata o 2022, céntrase principalmente nas cadeas de valor da construción naval e as enerxías renovables mariñas mediante un enfoque amplo que inclúe o conxunto de actividades e servizos relacionados. A promoción da cultura oceánica é outra acción transversal do proxecto, coa que pretende dar unha maior visibilidade ás oportunidades de carreiras nas tecnoloxías marítimas e contribuír ao mesmo tempo á sustentabilidade do sector.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
