viernes, 6 de noviembre de 2026
Ademais de todo o relativo ás accións comerciais, que maioritariamente se interpretaba que se limitaban para os establecementos físicos, establecendo diferentes condicións para o comercio en liña, tamén se trasladaron diferentes dúbidas sobre como cumprir a obriga de establecer sistemas que permitan o reconto e control do aforo.
No ámbito comercial, desde a Xunta tamén se sinalou a necesidade de que os establecementos que dispoñan dunha superficie maior á contemplada na normativa 400 metros cadrados poidan reiniciar a actividade reducindo temporalmente a superficie comercial a ese límite. E tamén se propuxo que, ao igual que se permite a apertura dos concesionarios de automoción, se aplique este criterio a establecementos de venda ao por menor de artigos de construción e saneamento e maquinaria industrial e agrícola.
O Goberno galego, que está elaborando un plan de reactivación do comercio en cooperación co sector, reitera a súa solicitude dun protocolo claro de actuación a nivel estatal que conte co diálogo preciso para que o comercio poida abrir ao público con plenas garantías e ofrecendo a máxima confianza aos consumidores.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
