Noticias

A Xunta aumenta a preto de 4 millóns o número de mascarillas entregadas a empresas e autónomos galegos

A Xunta leva entregadas preto de 4 millóns de mascarillas aos empresarios e aos autónomos galegos,que contaron coa colaboración dos clústers, asociacións de empresarios e de autónomos que coordinaron as solicitudes e o reparto do material. O vicepresidente da Xunta, Alfonso Rueda, e o conselleiro de Economía, Emprego e Industria, Francisco Conde, mantiveron esta mañá unha reunión por videoconferencia con representantes dos clúster e asociacións de empresarios galegos que están a recibir material de protección e que canalizaron as peticións e o posterior reparto do material, que se realiza dende a plataforma loxística da Xunta de Galicia (Clonegal), que é a que se ocupa de todos os envíos de material que non ten que ver con centros sanitarios.

Alfonso Rueda indicou que o primeiro envio foi realizado o 16 de abril e ata o de agora foron repartidas preto de 4 millóns de mascarillas, o dobre do inicialmente proposto. Esta medida púxoxe en marcha ante a imposibilidade de moitas empresas e autónomos poideran conseguir o material de protección necesario no mercado e a un prezo adecuado. De feito, o material foi facilitado ao mesmo prezo que o adquiriu a Xunta.

Segundo nos trasladaron os propios empresarios e autónomos, fomos a única comunidade autónoma en todo o estado español que surtiu de mascarillas ás pequenas e medianas empresas e a miles de autónomos que necesitaban estes equipos de protección para comezar a traballar e non dispoñían deles, indicou Alfonso Rueda.

R., 2020-04-29

Actualidad

O Festival Abanea leva 15 funcións de nove compañías de danza contemporánea polas catro provincias galegas

Foto del resto de noticias (festival-abanea-2025.jpg)

O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.

O Festival Hércules Brass de Celanova, punto de encontro para a música de vento metal en Galicia

Foto de la tercera plana (festival-hercules-brass.jpg)

As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.

Notas

O campus universitario de Santiago, escenario en setembro do Festival Internacional Compostela Street

O Campus Sur da USC será entre os días 19 e 21 de setembro o escenario do Festival Internacional Compostela Street, un dos encontros de cultura urbana e deportes extremos con maior impacto no Estado. O evento enmárcase na programación de benvida que a USC lle ofrece cada comezo de curso ao seu estudantado, e brinda os seus espazos para ser punto de encontro deportivo e cultural da mocidade, onde se xuntarán preto de 500 persoas.

Máis de 200 investigadores afondan no 8º Annual Meeting do CINBIO nas novas ferramentas para a medicina do futuro

230 investigadoras e investigadores noveis e experimentados participan estes xoves en venres no museo Marco de Vigo no 8º Annual Meeting do CINBIO, Centro de Investigación en Nanomateriais e Biomedicina da Universidade de Vigo. Baixo o lema 'Nanotechnology & Biomedicine: where science meets the future', o persoal investigador compartirá os seus coñecementos en ámbitos como a química, a física, nanotecnoloxía e saúde, co obxectivo de visibilizar as novas ferramentas para a medicina do futuro.