martes, 23 de diciembre de 2025
No tocante á segunda proposta, o titular da Xunta trasladou ao Executivo central a recomendación de que se sigan facendo as probas de diagnóstico en domicilio. Cremos que, mentres sexa posible, deberíanse seguir facendo probas de diagnóstico en domicilio. Nós, se temos o material necesario, contamos con laboratorios e aparataxe suficiente para seguir realizándoas, explicou.
Como terceiro punto, Feijóo expuxo a importancia de seguir extremando as medidas de contención, sempre que sexa posible, ademais de trasladar a necesidade de que, no ámbito de portos e aeroportos, se adopte unha decisión coherente coa adoptada nas fronteiras terrestres, así como limitar o tránsito de avións e extremar os controis para todos aqueles que cheguen.
Lonxe de que estas propostas poidan entenderse como unha crítica, Feijóo trasladou a absoluta comprensión coa situación do Goberno central, igual que pido comprensión coa situación do Goberno de Galicia, incidiu en que todos estamos en situación de máxima tensión e actividade.
Ao longo da súa intervención, o responsable do Goberno galego aseverou que Galicia segue a traballar para mellorar cada día a resposta. Así, subliñou que as chamadas ao 900 400 116 están sendo atendidas, desde esta mañá, por case un centenar de operadores e, en materia de política social, aseverou que a Xunta xa está a elaborar un plan de continxencia para os usuarios de centros de día públicos; estamos contactando con eles para ver o que precisan, para facer un seguimento dos medicamentos e para ofrecerlles un servizo de comida se o precisan, explicou sobre este punto.
Logo de precisar que todas estas propostas, xunto as medidas no ámbito educativo, social e económico xa expostas con anterioridade, serán abordadas na vindeira reunión do Cecop, Feijóo quixo agradecer, novamente, o traballo de todos os profesionais sanitarios, así como a resposta da xente, quedándose nas súas casas. E quero tamén reiterar todo o noso cariño ás persoas que están a sufrir este virus e tamén aos seus seres queridos, afirmou, recordando que, neste momento, en Galicia son 305 os casos confirmados.
Eleccións autonómicas 5A
Durante a videoconferencia, o presidente da Xunta abordou cos representantes dos principais partidos políticos galegos a suspensión das eleccións autonómicas do vindeiro 5 de abril, a través dun decreto da Xunta que será asinado mañá na reunión do Consello da Xunta e logo de ser remitido á Xunta Electoral.
Neste documento acórdase, tamén, a decisión de asinar un novo decreto de convocatoria electoral no momento no que finalice o estado de alarma e de emerxencia sanitaria, e despois de escoitar aos partidos políticos.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
