martes, 15 de septiembre de 2026
En xeral e tendo en conta os rexistros das estacións meteorolóxicas máis representativas, a temperatura media en Galicia situouse 2,71 graos por riba do valor agardado para esta época. Esta anomalía positiva é histórica xa que, segundo se recolle no informe mensual, non existe ningún precedente que supere este dato desde 1961, sendo o que máis se lle aproxima o valor de 1990, no que a temperatura media foi 2,69 graos superior á habitual.
En canto ao comportamento por comarcas, os termómetros situáronse por enriba da media histórica en toda a comunidade, acadándose os valores máis elevados na provincia de Lugo, sobre todo no leste, onde moitas localidades acadaron anomalías que superaron os 4 graos. No extremo contrario, a provincia da Coruña rexistrou as anomalías máis baixas pero, aínda así, tamén superou en 1,5 graos os valores esperados para un mes de febreiro.
Dous anos seguidos con escaseza de chuvias
O mes tamén se caracterizou desde o punto de vista das precipitacións por ser máis seco do normal. Neste sentido, os rexistros das principais estacións apuntan a que choveu un 50% menos do normal no conxunto da comunidade, un valor moi próximo ao do ano pasado e que contrasta claramente co comportamento dos febreiros precedentes ata 2012, que estiveron todos por riba das precipitacións medias.
Por zonas e a pesar de que febreiro caracterizouse no conxunto da comunidade pola escaseza de chuvias, os valores máis altos acadáronse marioritariamente nas zonas altas do oeste de Galicia, chegándose a superar os 200 litros por metro cadrado. Pola contra, os rexistros máis modestos déronse en Ourense, concretamente na comarca de Verín, con apenas 10 litros por metro cadrado.
Así mesmo e aínda que o mes comezou baixo a influencia dunha borrasca, a chuvia concentrouse en moi poucos días o que explica que, en xeral, chovera moi por debaixo do que se esperaba. Só nalgunha xornada puntual, especialmente na última de febreiro coincidindo coa entrada da borrasca Jorge, unha fronte activa e illada deixou chuvias xeneralizadas no conxunto da comunidade.
O Festival Maré celebrará do 23 ao 27 de setembro a súa sétima edición en Santiago de Compostela, cunha programación que volve situar a cidade como punto de encontro de culturas, linguas e diferentes expresións musicais. A cita reunirá artistas de máis de 16 países e con representación de 12 linguas. A programación desta sétima edición estará formada por máis de 30 espectáculos, catro producións propias, oito propostas inéditas en Galicia e unha estrea absoluta. Entre os principais nomes do cartel atópanse Aterciopelados, Bia Ferreira, Omar Souleyman, Haydée Milanés & Javier Colina, Ala.ni, António Zambujo, Magalí Sare & Vox Stellae e Marcos Coll.
Foi prsentada a Visión Estratéxica 2026-2028 da Asociación Europea de Cooperación Territorial (AECT) da Eurorrexión GaliciaNorte de Portugal. A visión estratéxica ofrece un novo marco de actuación co que se pretende reforzar o papel da cooperación transfronteiriza e consolidar a Eurorrexión Galicia-Norte de Portugal como un espazo común de oportunidades, coñecemento, innovación, competitividade e desenvolvemento. Ademais, estrutura a intervención da AECT en cinco grandes áreas -cultura, turismo, xuventude e emprego transfronteirizo e investigación e competitividade-, consolidando proxectos cun impacto recoñecido e abrindo novas frontes de cooperación entre Galicia e o Norte de Portugal.
