domingo, 14 de diciembre de 2025
O conselleiro de Sanidade, Jesús Vázquez Almuiña, anunciou hoxe que o seu departamento está a traballar, a través da Axencia Galega para a Xestión do Coñecemento en Saúde (ACIS), en dúas ferramentas innovadoras de formación dos pacientes mediante a utilización da realidade virtual. Tal e como detallou o conselleiro, un dos proxectos céntrase no deseño e desenvolvemento dunha solución virtual para o recoñecemento do ictus, e o outro no adestramento virtual da respiración dos pacientes a tratamento de radioterapia. Ámbolos dous proxectos estarán dispoñibles en maio deste ano, dixo Almuiña.
A primeira das iniciativas, a relacionada co recoñecemento do ictus, facilitará a detección dos seus síntomas e permitirá aos pacientes recrear situacións reais e experimentar na súa propia pel os síntomas que producen esta enfermidade. Esta ferramenta tamén estará dispoñible para os profesionais sanitarios do Sergas co obxecto de facilitar a súa aprendizaxe na detección do ictus, así como do protocolo que se debe seguir en caso de que se presenten os citados síntomas.
Sinalar que a ferramenta poderá ser utilizada dende calquera dispositivo tecnolóxico, sendo fácil de usar, ademais de intuitiva e uniforme, sexa cal sexa o dispositivo con que se visualice. Constará dun menú principal e submenús que recollerán toda a sintomatoloxía recoñecida (perdida de forza, perdida de sensibilidade, alteración da fala, dor de cabeza, entre outros,) e cada un dos procesos dos órganos responsables que levan ao ictus. Entre os submenús estará un deles dedicado á mellora dos hábitos de vida.
O obxectivo principal será a concienciación da poboación en xeral así como dos profesionais sanitarios, que ante a dúbida, é necesario acudir aos servizos médicos. A aplicación permitirá ao usuario poder escoller dúas vías claramente marcadas, a dirixida á cidadanía e a destinada aos profesionais.
A aplicación contará, por defecto, cunha pestaña relativa ao protocolo a seguir no caso de que alguén estea a sufrir un ictus. Mediante esta opción, aparecerán en pantalla unhas mensaxes claras e concisas de como se debe actuar.
Adestramento da respiración
A segunda das ferramentas hoxe presentadas, a de adestramento virtual da respiración, axudará aos pacientes que teñen que someterse a tratamentos de radioterapia a reducir o estrés e ansiedade que producen este tipo de probas e a entrenar a respiración que deberán empregar durante o tratamento, explicando de modo sinxelo, a través de escenas virtuais, cales son cada un dos tipos de respiración para que a zona obxectivo estea o máis inmobilizada posible.
Para o entrenamento optarase por unha solución que guiará ao usuario para optimizar ou correxir o ritmo de respiración, dándolle instruccións específicas para a realización correcta da proba. A tal efecto, farase uso dos sensores de micrófono e outras tecnoloxías que incorporan os dispositivos de visualización (móbiles, ordenadores, etc.).
A aplicación poderá ser utilizada dende calquera dispositivo tecnolóxico e terá dous modos diferenciados, o formativo ou de entrenamento e o de diagnóstico.
Plan formativo dos profesionais da sanidade pública
Neste mesmo acto no que se presentaron os dous proxectos innovadores, Sanidade deu a coñecer o Plan formativo, para o presente ano, dos profesionais do sistema público de saúde de Galicia, que tal e como destacou o conselleiro foi aprobado polo Consello de Formación composto por membros do Sergas, polas organizacións sindicais e por ACIS. Segundo Almuiña, o plan incrementa o número de prazas e amplía o número de actividades formativas, posto que ten previstas máis de 600, nas modalidades de presencial, mixta, teleformación e autoformación.
A modalidade de autoformación merece unha especial mención, -dixo o conselleiro-, xa que permite satisfacer a elevada demanda existente, e, deste xeito, os profesionais poderá acceder aos contidos formativos as 24 horas do día, os 365 días do ano.
Os Concertos do Xacobeo da Xunta de Galicia achegarán a mellor música internacional do momento a Santiago de Compostela cunha nova edición de O Gozo Festival. Maroon 5, Martin Garrix, Danny Ocean, Rita Ora e Miriam Rodríguez son as primeiras confirmacións do festival, que presentarán os seus directos no Monte do Gozo compostelán o sábado 11 de xullo de 2026. O Gozo Fest conta co apoio da Xunta de Galicia a través da Axencia Turismo de Galicia, no marco dos Concertos do Xacobeo. En 2026, O Gozo Festival celebrará a súa cuarta edición cun line-up de luxo. O proxecto O Gozo Festival, que naceu en 2023 co apoio da Xunta de Galicia a través da Axencia Turismo de Galicia, no marco de Concertos do Xacobeo, consolidouse na súa terceira edición, celebrada en 2025, cun éxito rotundo de crítica e público.
O presidente da Xunta, Alfonso Rueda, defendeu esta mañá, na súa condición de presidente da delegación española do Comité Europeo das Rexións (CdR), unha maior cogobernanza das rexións na planificación e xestión dos fondos europeos e máis recursos para o sector primario. Así o destacou logo dunha reunión organizada polo Executivo galego entre os representantes españois tanto das comunidades autónomas como das entidades locais do CdR con eurodeputados españois e o embaixador representante permanente de España ante a Unión Europea, Marcos Alonso, 'para poñer en común as intencións e o noso plantexamento' de cara á negociación do novo Marco Financieiro Plurianual 2028-2034.
