viernes, 30 de octubre de 2026
Tamén sea fala do labor educativo de Carballo e a promoción dos seus alumnos, e a repercusión exterior desta etapa lucense de Carballo, que supuxo para o profesor e escritor a súa rehabilitación persoal e social, despois dos tempos difíciles da guerra e da posguerra.
Neste tempo lucense fixo a súa tese doutoral, entrou na Real Academia Galega, completou a súa monumental 'Historia da Literatura Galega', e afirmouse no seu papel de extraordinario investigador e escritor para despois, en Compostela, brillar con todo esplendor.
Na homenaxe participaron Valentín García Gómez, Secretario Xeral de Política Lingüística, por parte da Xunta de Galicia, entidade patrocinadora das accións e homenaxe; Víctor Fernández Freixanes, Presidente da Real Academia Galega, entidade colaboradora; polo Colexio Fingoi, a súa Directora e filla do fundador, Asunción Fernández Puentes, Siña; no nome dos antigos alumnos, María Dolores Fernández Fernández, alumna de Carballo e axudante súa na etapa na Universidade compostelá; a cantante Pilocha, cantando e recitando un poema de Carballo; os alumnos de 5º e 6º de primaria de Fingoi que, baixo a dirección de Paloma Suances cantaron 'Do mar pola orela'; e os Gaiteiros de Fingoi, dirixidos por Pepe Vaamonde.
Recibiu a homenaxe a filla maior de Carballo, Margarita, que pronunciou palabras de agradecemento e relatou lembranzas dos tempos nos que viviu con seus pais no colexio. Un bisneto de Carballo, neto de Margarita, Jacobo Cela, acompañado polo seu profesor, Manuel Fernández Gayol, tocou ao violín un 'Vals escocés' en lembranza do seu bisavó.
Estiveron presentes numerosos antigos alumnos de Fingoi dos tempos nos que Carballo foi o máximo responsable do Colexio, que participaron na exposición e gardan do seu antigo profesor unha lembranza inesquecible.
Esta mostra itinerante, que terá ata fin de ano arredor de corenta destinos, cunha semana de estancia en cada un deles, permanecerá en Fingoi ata o próximo martes, podendo ser visitada desde o mércores, 22 de xaneiro, na sala de exposicións da Xunta de Galicia en Lugo.
Tanto esta exposición (acompañada por un folleto que reflicte integramente os trece paneis), como a web, e proximamente un libro, forman parte dun proxecto promovido polo Colectivo Egeria, do que informou o seu Presidente, Xulio Xiz, coordinador do acto celebrado no Colexio de Fingoi, e que terá continuidade, entre outras moitas actividades, co que a Real Academia organizará o próximo mes de maio, coa participación de persoas e entidades relacionadas con Carballo Calero e, de xeito especial, coa súa etapa lucense.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
