viernes, 17 de abril de 2026
A secretaria xeral de Emprego, Covadonga Toca, valorou hoxe os datos do paro, que no último ano baixou en 3987 persoas, é dicir, un 2,36% menos que en decembro de 2018, o que sitúa á Comunidade como a quinta na que máis descende o desemprego, mellorando a media estatal, que foi de -1,21%. No que respecta ás afiliacións, medran por sexto ano consecutivo (2014-2019) e, ao igual que en 2018, péchase o exercicio por riba do millón de afiliados.
A Comunidade Autónoma sitúase a niveis de paro inferiores aos de antes de 2008, sumando xa sete anos de baixadas consecutivas, desde decembro de 2013. Neste tempo a cifra de paro descendeu en máis de 113.000 desempregados, é dicir, 2 de cada 5 parados abandonaron as listas do paro neste período.
A secretaria xeral de Emprego destacou que, de xeito intermensual, Galicia logrou, por terceira vez en toda a serie histórica, un descenso do desemprego en decembro que se situou nun -0,21% con respecto ao mes de novembro, o que supón que 351 persoas saíron das listas do paro.
En canto ás afiliacións, Galicia suma dez meses por riba do millón de cotizantes á Seguridade Social. En concreto, nos últimos doce meses, medraron un 1,41% sumando 14.152 afiliados -o que supón unha media de 39 ao día- ata chegar á cifra de 1.020.259. No que vai de lexislatura (na comparativa entre setembro de 2016 e decembro de 2019), creáronse en Galicia 47.372 postos de traballo, unha media diaria de case 40.
O paro baixa nas catro provincias galegas: Ourense (-3,87%), Pontevedra (-3,26%),
A Coruña (-1,42%) e Lugo (-0,70%) e nas sete grandes cidades, agás A Coruña, onde sobe un 0,74%. Descende tamén en todos os sectores, liderando esta caída a construción cun -5,87% menos de paro, seguida pola industria, cun -5,66%. O desemprego redúcese nos colectivos prioritarios.
Aposta polo emprego de calidade
Toca salientou que, como mostra do compromiso do Goberno galego coa creación de postos de traballo de calidade, xa se aprobaron máis de 60 millóns de euros, por anticipado de gasto, para programas de emprego que se desenvolverán este ano relacionados co impulso do emprego local; coas Unidades Formativas para desempregados; coas medidas para os autónomos ou para iniciativas de Economía Social.
Estes orzamentos e programas iranse ampliando ata os máis de 260 millóns que se dedicarán este ano para contar cunha Galicia máis preparada.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
