domingo, 14 de diciembre de 2025
A I Xornada do Videoxogo, que ten lugar o venres 29 de novembro ás 17:30 no Salón de Actos do Pazo da Cultura de Pontevedra quere ser unha posta en común de experiencias e coñecemento relacionados coas últimas tendencias do sector desde unha perspectiva profesional e técnica. Profesionais das diferentes áreas de traballo desta industria comparten cos asistentes experiencias e coñecemento de utilidade sobre diferentes aspectos técnicos, empresariais e legais do desenvolvemento dos videoxogos. Xose Manuel Rey de videoxogo.gal subliña o futuro do sector a medio prazo destacando feitos no campo da formación como a primeira promoción do mestrado de videoxogos da Universidade da Coruña no campus de Ferrol, o grao de 4 anos de deseño e desenvolvemento da mesma universidade e os dous graos medios de FP en Vigo e na Coruña . Xerar elementos cohesionadores dentro do sector e normalizar esta actividade industrial como noutros países, son os obxectivos na Culturgal.
Manuel Meijide, vicepresidente de Videoxogo.gal, e Jacobo Sutil, director da Agadic presentan a xornada o venres 29 ás 17:30, que continúa coa mesa redonda. O Videoxogo galego ás portas do 2020 con Miguel Areán (ePolygon), María Fernández Hermida (Desenvolvedora) Antonio Seoane (Docente da UDC), Anxo Lorenzo (director xeral Políticas Culturais, Xunta de Galicia) e Luz Castro (Videoxogo.gal), como moderadora. Ás 19:00 presentación de proxectos singulares no escenario do videoxogo galego: The Waylanders, Minimundos , Sea Bubble, Proxectos da Universidade (Odal), Revista Morcego / Podcast e MUVI.
Na Feira, un grupo de empresas dedicadas ao videoxogo conta coa súa área expositiva. O público de Culturgal atopará un espazo de cultura interactiva con DEMOS, presentación de proxectos, equipos de desenvolvemento e un convite a participar e probar produtos feitos en Galicia. A presenza da Universidade da Coruña neste espazo trae á Feira unha referencia no sector, cos seus especialistas e proxectos; ademais as empresas Gato Studio, Mundos Digitales, Polygon-e, Revista Morcego (un medio especializado desde Galicia), KST e Imaxin Software mostran o seu traballo ao gran público durante os 3 días da Culturgal 2019. Non hai límites, non hai idades. O videoxogo xa non é o campo duns poucos, xóvenes, exclusivamente; democratizouse e na actualidade, nas diferentes plataformas, é consumido por todas as idades, reseñan en videoxogo.gal.
Na 12ª Culturgal, a programación inclúe ademais o sábado 30 e o domingo 1 obradoiros de robótica dirixidos a público infantil e promovidos pola Deputación da Coruña. A empresa WavefunctionVR, radicada en Braga (Portugal) e centrada na realidade aumentada, con stand en 2019 na Culturgal. O público da Feira poderá gozar dos seus simuladores de realidade virtual. No Espazo Arte Contemporánea atoparémonos co stand de XOIA, unha empresa dedicada tamén á RV e RA, especialmente para proxectos expositivos e artísticos.
Os Concertos do Xacobeo da Xunta de Galicia achegarán a mellor música internacional do momento a Santiago de Compostela cunha nova edición de O Gozo Festival. Maroon 5, Martin Garrix, Danny Ocean, Rita Ora e Miriam Rodríguez son as primeiras confirmacións do festival, que presentarán os seus directos no Monte do Gozo compostelán o sábado 11 de xullo de 2026. O Gozo Fest conta co apoio da Xunta de Galicia a través da Axencia Turismo de Galicia, no marco dos Concertos do Xacobeo. En 2026, O Gozo Festival celebrará a súa cuarta edición cun line-up de luxo. O proxecto O Gozo Festival, que naceu en 2023 co apoio da Xunta de Galicia a través da Axencia Turismo de Galicia, no marco de Concertos do Xacobeo, consolidouse na súa terceira edición, celebrada en 2025, cun éxito rotundo de crítica e público.
O presidente da Xunta, Alfonso Rueda, defendeu esta mañá, na súa condición de presidente da delegación española do Comité Europeo das Rexións (CdR), unha maior cogobernanza das rexións na planificación e xestión dos fondos europeos e máis recursos para o sector primario. Así o destacou logo dunha reunión organizada polo Executivo galego entre os representantes españois tanto das comunidades autónomas como das entidades locais do CdR con eurodeputados españois e o embaixador representante permanente de España ante a Unión Europea, Marcos Alonso, 'para poñer en común as intencións e o noso plantexamento' de cara á negociación do novo Marco Financieiro Plurianual 2028-2034.
