viernes, 6 de noviembre de 2026
A clave é aumentar a competitividade industrial da nosa comunidade, tendo en conta os puntos estratéxicos da Axenda Industria 4.0, e establecer ligazóns entre empregados e sectores produtivos. Para isto, a formación dual ofrece un contrato de traballo que responde ás esixencias tecnolóxicas e profesionais do sector produtivo.
Unidades formativas para desempregados
Por unha banda, destínase un orzamento de 3 millóns de euros ás unidades formativas para desempregados. A intención é poñer en marcha uns 100 cursos para formar a máis de 1.500 parados, obtendo das empresas participantes un compromiso de contratación de alomenos un 40% dos participantes. Ademais, para as empresas que superen este 40%, a Xunta prevé unha liña de axudas de entre 7.000 e 18.000 para financiar contratos indefinidos.
Este financiamento estará especialmente destinada aos demandantes de emprego que teñen habitualmente máis dificultades para topar un posto de traballo (parados de longa duración, persoas en risco de exclusión social con discapacidade funcional, mulleres, emigrantes retornados, maiores de 45 anos) e ás empresas situadas no medio rural galego.
Unidades formativas para desempregados
Por outra banda, as empresas poderán mellorar a formación dos seus empregados a través de 400 unidades formativas, cun orzamento total de 5 millóns de euros, e que chegarán a preto de 3.000 persoas cunha aprendizaxe específica que achegue valor no seu posto de traballo.
41 novas especialidades formativas
Tendo en conta a situación económica actual, tanto no ámbito local coma no nacional ou no global, a formación debe ser sen dúbida unha das grandes prioridades, e así o é para a Xunta de Galicia. Así, as Unidades Formativas na Empresa enmárcanse na Axenda 20, folla de ruta do goberno autonómico para acadar emprego estable e de calidade, un desenvolvemento profesional para a poboación galega, que mellore a súa competitividade e capacitación no mercado laboral.
Foi posta en marcha o ano pasado, e desde entón a Xunta de Galicia xa destinou 12,7 millóns de euros para dar formación técnica a través de 690 cursos para máis de 7.100 persoas, traballadores en activo ou desempregados. Por otra banda, 41 novas especialidade entrarán no catálogo formativo do Servizo Público de Emprego Estatal, a proposta das empresas.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
