domingo, 17 de agosto de 2025
O Centro Tecnolóxico do Mar (Cetmar)-Fundación Cetmar, dependente da Consellería do Mar, e o organismo luso Fórum Oceano organizan conxuntamente por segundo ano o encontro Business2Sea, que na edición de 2019 se celebrará no Centro de Congresos Alfândega do Porto (Portugal) entre os días 11 e 13 de novembro e que terá como tema central a conservación dos océanos e o uso sustentable dos recursos mariños.
A elección da temática fundaméntase no papel crucial que o océano e a súa conservación desempeña como condición indispensable para a preservación da vida no planeta, e cumpre co Obxectivo número 14 de Desenvolvemento Sustentable establecido pola Organización de Nacións Unidas para protexer a vida mariña.
O Business2Sea 2019 acollerá tamén dúas importantes iniciativas, como son a 6ª Conferencia de Stakeholders do Atlántico, que abordará a nova Estratexia do Atlántico para o vindeiro período de programación de fondos europeos, e o evento anual do programa Interreg Espazo Atlántico.
O Business2Sea, ao igual que en edicións anteriores, ofrecerá un programa diversificado que incluirá conferencias, seminarios e talleres dedicados ás temáticas do evento, un programa de encontros de negocio e sesións de presentacións breves organizadas no programa Curtas de Mar. O encontro conta ademais cunha compoñente expositiva e con actividades de divulgación e animación sobre cultura marítima.
O Business2Sea
O Business2Sea é un evento internacional dedicado a facilitar a interacción entre persoas e organizacións e a promover proxectos e negocios nos diferentes sectores da economía do mar, aberto á participación de todo tipo de organizacións. De feito, todos os axentes que teñan o mar e os seus recursos como elementos centrais da súa actividade -empresas, asociacións, centros de investigación, universidades, ou administracións públicas- teñen cabida nesta nova edición do evento. A inscrición está aberta ata o vindeiro 5 de novembro a través da páxina web do Business2Sea.
A auga é un pilar fundamental para Galicia, non só polo seu valor ecolóxico, senón tamén pola súa influencia na economía, a cultura e a identidade do territorio. A Xunta de Galicia ten como obxectivo prioritario xestionar este recurso de maneira eficiente, especialmente nun contexto de cambio climático onde é crucial adaptarse ás novas circunstancias e buscar solucións innovadoras para garantir a súa dispoñibilidade a longo prazo. A presenza de ríos, rías e mananciais é unha das características máis destacadas da paisaxe galega. Esta abundancia hídrica implica tamén unha responsabilidade: a de preservala e mellorar a súa xestión mediante infraestruturas adecuadas e hábitos de consumo responsables en todos os sectores.
Historias LGBTI da Galicia Orgullosa é un proxecto cunha visión a longo prazo para facer crecer a rede de relatos e lembranzas que axuden a construír un relato máis diverso e real da historia galega. Neste sentido, estase traballando nun espazo dixital colaborativo aberto á cidadanía que parte dunha selección de imaxes históricas e actuais para que calquera persoa poida contribuír a tecer o relato. A exposición, que xa estivo durante o mes de xullo no edificio da Pirámide de San Caetano, recolle imaxes históricas de casos coñecidos, como o de Elisa e Marcela, e doutras experiencias vitais con menos eco como a de Maruja Roca, Manolito Soler ou Dalia Flores.
