sábado, 24 de octubre de 2026
As cifras do INE sinalan que ata setembro se aloxaron en Galicia 224.000 viaxeiros máis que hai un ano e realizaron preto de 550.000 noites máis. Isto propicia que a nosa Comunidade supere por primeira vez o 9 millóns de pernoitas neste período. En relación ao resto de autonomías, Galicia e Navarra encabezan os destinos con incrementos máis intensos.
Por tipoloxía de aloxamentos, o INE informa de que en Galicia todas as modalidades están a obter resultados positivos tanto en número de turistas como en pernoitas. A demanda nos hoteis incrementouse no que vai de ano un 5,5%, nas pensións un 8,9%, nos apartamentos turísticos un 15,7%, nos cámpings un 6% e no turismo rural preto dun 5%.
Por mercados, o turismo internacional gaña peso no acumulado do ano. De feito, é a primeira vez que entre xaneiro e setembro, o mercado estranxeiro supón aproximadamente o 24% do total dos viaxeiros que visitan Galicia. Tamén o mercado nacional medra un 5,3%.
Máis tempo e competitividade
O INE tamén revela un positivo comportamento noutros indicadores como a estadía media. Continúa a aumentar o tempo que os turistas pasan en Galicia. O incremento, de case un 1%, leva esta variable ata a cifra na máis elevada dos últimos sete anos.
Ademais, as tarifas hoteleiras melloraron no período analizado polo INE. En concreto medraron un 1,8%, facendo que tamén melloren os niveis de rendibilidade hoteleira, que sobe neste caso máis dun 6%, acadando a cifra máis elevada da década.
Os ingresos totais do sector hoteleiro subiron un 8,3% no acumulado a setembro deste ano, xerando máis de 253 millóns de euros. É a cifra máis elevada desta década.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
