domingo, 8 de noviembre de 2026
As imaxes proceden, na súa maior parte, de cadanseu concurso anual entre deseñadores, dotado económicamente con 1.000 nas convocatorias máis recentes, xunto cun trofeo, pero tamén hai encargos efectuados directamente a pintores lucenses, e mesmo no caso das dúas últimas Semanas- son obra de Eduardo Rodríguez Ochoa, sendo o do presente ano o que figura na portada da publicación que estivo, asimesmo, baixo a responsabilidade deste directivo do Grupo.
Deste libro fíxose unha tirada de dous mil exemplares, que serán distribuidos a través das entidades patrocinadoras Concello de Lugo, Deputacion Provincial, Xunta de Galicia e Universidade/Campus de Lugo-, así como tamén será entregado aos espectadores que acudan ás proxeccións dos ciclos Xoias do cine e sección oficial no Auditorio Gustavo Freire.
A presentación correu a cargo de esquerda a dereita na foto- de Jesús Varela Zapata (Vicerreitor de Cultura da Universidade de Compostela), Maite Ferreiro (Concelleira de Cultura de Lugo e Vicepresidenta/Delegada de Cultura da Deputación Provincial), Eduardo Rodríguez Ochoa (responsable da publicación) e Xulio Xiz (Presidente de Fonmiñá).
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
