martes, 1 de julio de 2025
O Salón Teatro de Santiago de Compostela será o escenario da estrea esta fin de semana de O que segue, a nova proposta da creadora Cristina Balboa, realizada en coprodución co Centro Dramático Galego (CDG). A peza poderá verse na sede da compañía pública este venres e sábado, ás 20,30 h., e o domingo, ás 18,00 h.
O director da Axencia Galega das Industrias Culturais (Agadic), Jacobo Sutil, acompañou hoxe a Cristina Balboa na presentación da montaxe, que ela mesma dirixe e interpreta, ademais de ser a autora da música e de asumir a produción xunto a Manu Lago. Tamén participou neste acto Manuel Parra, quen exerceu de asistente de dirección cunha presenza moi activa no resultado do espectáculo, para o que contaron así mesmo con Afonso Castro (iluminación), Paula Quintas (vestiario), Mauro Trastoy (espazo escénico) e Ángel Sousa (vídeo), entre outras achegas artísticas.
Sutil enmarcou O que segue no programa de coproducións do Centro Dramático Galego para esta temporada escénica 2019-2020, dentro da que proximamente chegarán aos escenarios proxectos tan diferentes como Se fosen turistas, levarían gafas de sol, de Limiar Teatro; A amnesia de Clío, de Voadora, e O loro de Carlos V, do conxunto vocal Favola in Musica.
Proceso creativo
Pola súa banda, Cristina Balboa e Manuel Parra explicaron o proceso de creación do espectáculo, que foi un dos proxectos seleccionados para as Residencias Paraíso 2018 do colectivo RPM, tamén coa colaboración da Consellería de Cultura e Turismo. Xa en xaneiro deste ano, a compañía realizou unha estadía artística no Salón Teatro para continuar avanzando na montaxe, que agora se estrea neste mesmo escenario. Desa volta, compartiu co público de Santiago un avance do seu proceso creativo, que tamén presentou no ciclo Mulleres en Acción-Violencia Zero en Cambados e nas Picnic Sessions do Centro de Arte 2 de Mayo (CA2M) de Madrid.
Cristina Balboa describe O que segue como un acto de resistencia escénica a través da composición musical, o vídeo e a danza para construír un relato feroz do cotiá a partir das contradicións entre a arte e a vida. A música xoga aquí un papel clave, de xeito que durante a súa creación foise xerando unha dramaturxia baseada na composición musical en vivo e no relato que sucede nese acto performativo.
A venda de entradas para as tres primeiras funcións desta propostas xa está dispoñible no web entradas.abanca.com e no teléfono 902 434 443. No despacho de billetes do teatro, poderán adquirirse desde dúas horas antes do comezo das representacións. O seu importe é de 10 euros, cos descontos habituais, para o venres e sábado, e de 5 euros (prezo único) o domingo, Día do Espectador no Salón Teatro.
O presidente da Xunta, Alfonso Rueda, resaltou hoxe que Galicia asumirá desde mañá 'a plena xestión sobre o seu litoral', un 'feito histórico desde o punto de vista do autogoberno' que virá acompañado da posta en marcha de xeito inmediato de dous novos servizos, unha nova canle de información á cidadanía e a posibilidade de unificar nun só formulario calquera trámite ou solicitude sobre o litoral. Deste xeito, o Goberno autonómico prepárase para asumir o autogoberno pleno do litoral co traspaso efectivo a Galicia a partir de mañá das funcións, medios e servizos en materia de ordenación costeira.
A primeira fase do piloto do proxecto Xenoma Galicia permitiu detectar, entre os máis de 1.000 participantes aos que se lle recolleu unha mostra de sangue, 14 novos casos de alto risco para as patoloxías investigadas de cancro de mama e ovario hereditario, síndrome de Lynch e hipercolesterolemia familiar. A Consellería de Sanidade presentou esta mañá ante o Consello da Xunta un informe de situación do piloto do proxecto Xenoma Galicia. Cun investimento de 20 millóns de euros, o Goberno galego márcase o obxectivo de recompilar o ADN de 400.000 persoas. Pola porcentaxe de poboación incluída, Xenoma Galicia é un dos proxectos de maior envergadura do mundo. Permitirá ofrecer tratamentos farmacolóxicos individualizados, predicir o risco de enfermidades antes de apareceren para poder anticiparse a elas e evitalas grazas ao estudo do xenoma e da historia clínica.
