miércoles, 2 de julio de 2025
En Santiago, a galega Urdime e a asturiana El Callejón del Gato traballan desde hoxe no desenvolvemento da coprodución dun espectáculo orientado cara aos primeiros anos da infancia.
Xa en outubro, este mesmo escenario compostelán recibirá a compañía asturiana La Tejedora de Sueños o venres 11 para representar e comentar co público o espectáculo Como ceniza blanca sobre una hoguera dentro da carteleira de oito funcións que Camiño Escena Norte despregará noutros tantos espazos galegos. Dous días despois, serán os integrantes da compañía vasca Hika Teatroa os que recalarán no Salón Teatro para ofrecer un obradoiro de contextualización da súa montaxe Sagartu, que representarán ese mesmo domingo pola tarde na praza da Quintana.
Teatro galego
Neste inicio da nova temporada escénica a sede do Centro Dramático Galego albergará tamén unha decena de montaxes escénicas de produción galega, comezando este mes de setembro cos espectáculos Deixa de tocala, Sam, de AveLina Pérez & Velpister, os días 21 e 22 e Karelu, de Os Náufragos Teatro, do 27 ao 29.
No mes de outubro, será a quenda da primeira das coproducións do CDG inseridas nesta carteleira: O que segue, xunto a Funboa Escénica, da que o público do Salón Teatro xa tivo a oportunidade de ver a primeiros de ano unha mostra do seu proceso de creación. Ademais, do 24 ao 27 dese mesmo mes terán lugar as representacións de Desde o invisible a cargo da compañía La Quintana Teatro.
Outubro finalizará con outra coprodución, desta volta entre PT Excéntricas e Teatro de Adro, que estarán en Santiago entre o día 30 e o 3 de novembro con Cartoóns, un espectáculo de clown e música para público familiar.
O 30 de novembro, tras practicamente un mes de proxeccións do festival Cineuropa, o circo chegará un ano máis ao Salón Teatro da man do Foro D10!, que traerá a este escenario Fang (Barro), da compañía Animal Religión. Un día antes, terá lugar aquí unha actividade formativa a cargo do Grupo Performa da Universidade de Santiago de Compostela.
En coprodución
Cara á recta final do ano, o público compostelán terá a oportunidade de ver outro dos espectáculos do programa anual de coproducións do Centro Dramático Galego, desta volta xunto a Limiar Teatro, que representará do 11 ao 21 de decembro Se fosen turistas levarían gafas de sol. E, xa para despedir 2019, o teatro infantil regresará a escena cunha nova edición do ciclo Gran teatro para os máis pequenos, que inclúe ps espectáculos Animal sagrado, de Aporía Escénica, o 28 e 29 de decembro, e Voa voa, de Talía Teatro, o 3 e 4 de xaneiro, cos seus correspondentes obradoiros.
Ademais desta programación teatral, a sede do CDG volverá cederlles as súas instalacións a diferentes eventos culturais da cidade como é o caso do WOS Festival x Son Estrella Galicia en setembro ou o festival internacional Curtocircuíto en outubro, ademais do devandito Cineuropa.
O presidente da Xunta, Alfonso Rueda, resaltou hoxe que Galicia asumirá desde mañá 'a plena xestión sobre o seu litoral', un 'feito histórico desde o punto de vista do autogoberno' que virá acompañado da posta en marcha de xeito inmediato de dous novos servizos, unha nova canle de información á cidadanía e a posibilidade de unificar nun só formulario calquera trámite ou solicitude sobre o litoral. Deste xeito, o Goberno autonómico prepárase para asumir o autogoberno pleno do litoral co traspaso efectivo a Galicia a partir de mañá das funcións, medios e servizos en materia de ordenación costeira.
A primeira fase do piloto do proxecto Xenoma Galicia permitiu detectar, entre os máis de 1.000 participantes aos que se lle recolleu unha mostra de sangue, 14 novos casos de alto risco para as patoloxías investigadas de cancro de mama e ovario hereditario, síndrome de Lynch e hipercolesterolemia familiar. A Consellería de Sanidade presentou esta mañá ante o Consello da Xunta un informe de situación do piloto do proxecto Xenoma Galicia. Cun investimento de 20 millóns de euros, o Goberno galego márcase o obxectivo de recompilar o ADN de 400.000 persoas. Pola porcentaxe de poboación incluída, Xenoma Galicia é un dos proxectos de maior envergadura do mundo. Permitirá ofrecer tratamentos farmacolóxicos individualizados, predicir o risco de enfermidades antes de apareceren para poder anticiparse a elas e evitalas grazas ao estudo do xenoma e da historia clínica.
