sábado, 5 de julio de 2025
Agora actúa en solitario e baixo o nome artístico de Marinah para traer ao Escenario Alhambra cancións rumbeiras que se desenvolven comodamente entre o flamenco, a rumba, o reggae e o flamenco; e tamén entre os estilos afros e de música latina.
Toda unha cocteleira de estilos coas que esta solvente cantante convidará ao baile, a través de letras feministas e cheas de sororidade, nas que reivindica sen pausa, pero bailando derrubar clixés e prexuízos de xénero, de razas e tamén de mestura de sons e ritmos nos que non falta nin a cumbia, nin o hip hop, nin o trap.
Grupos galegos para o peche
A semana de peche do ciclo terá continuidade o venres coas De Vacas. Este cuarteto galego composto polas vocalistas Paula Romero, Inés Salvado, Faia Díaz e o guitarrista Guillerme Fernández despregarán na praza exterior da Cidade da Cultura o seu abano amplo de brillantes versións melódicas, e en galego, de hits internacionais e de todos os estilos.
Coñecidas polas súas versións retranqueiras de Beyonce, Marta Sánchez ou Luis Fonsi, de xeito recente fixeron viral nas redes sociais a versión na que puxeron en conexión o Malamente da cantante catalá Rosalía cun poema da escritora galega máis universal, Rosalía de Castro, co tema Rexurdimente. Todos estes temas poderán escoitarse no penúltimo Atardecer no Gaiás deste ano, no que vai ser difícil non sumarse en coro aos retrousos de cancións tan populares e coñecidas.
O soul, o jazz e o bluegrass de Best Boy será o alfinete de acougo preciso para o ciclo, no que predominaron os ritmos de baile. A banda de Tui transmite coas súas composicións calma e repouso para acompañar o agocho do sol do sábado desde a Cidade da Cultura. Unha boa onda a que transmiten os seus temas que suporá un peche axeitado aos 20 concertos deste Atardecer no Gaiás, que compuxeron desde o 4 de xullo e ata este 17 de agosto, unha banda sonora ecléctica para os solpores deste verán.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
