Noticias

Os proxectos dos Grupos de Acción Local do sector pesqueiro permitiron crear máis de 1.200 empregos en Galicia desde 2010

As actuacións desenvolvidas polos GALP buscan aumentar o emprego e a cohesión social nas comunidades pesqueiras. De feito, os oito grupos actuais agrupan a 361 entidades sociais -105 delas do sector pesqueiro- e representan a máis de 11.000 persoas de todo o litoral de Galicia. Entre os obxectivos dos proxectos están a atracción de xente nova ás zonas costeiras, a promoción da innovación, o apoio á diversificación dentro e fóra do sector pesqueiro, o impulso do patrimonio ambiental e cultural, o reforzo do papel das comunidades pesqueiras no desenvolvemento local e na cogobernanza dos recursos pesqueiros e a promoción das distintas actividades marítimas no ámbito local.

A conselleira do Mar, Rosa Quintana, destacou hoxe no Parlamento que os proxectos desenvolvidos desde o ano 2010 no marco dos Grupos de Acción Local do Sector Pesqueiro (GALP) -antes coñecidos como Grupos de Acción Costeira (GAC) e creados para favorecer a dinamización económica das zonas do litoral- permitiron xerar en Galicia máis de 1.200 empregos a tempo completo entre directos e indirectos e incrementar o valor engadido bruto do conxunto da economía galega en case 57 millóns de euros.

A titular de Mar compareceu na Cámara galega para dar conta do impacto das estratexias de desenvolvemento local participativo dos GALP nas zonas costeiras de Galicia e analizou polo miúdo os investimentos feitos tanto na primeira fase destes proxectos -no marco dos GAC, entre 2010 e 2014- como na segunda -xa como GALP, de 2016 a 2020- así como os seus resultados en materia de iniciativas desenvolvidas, investimentos e empregos xerados.

Na primeira etapa desta estratexia, financiada co Fondo Europeo da Pesca (FEP), a Xunta aprobou un total de 426 proxectos, aos que destinou de 23,2 millóns de euros en achegas. As iniciativas postas en marcha para dinamizar o litoral permitiron crear máis de 250 empregos directos grazas á “boa acollida” destes fondos por parte do sector.

“A boa experiencia e as ensinanzas extraídas neste período levaron a Galicia a redobrar os esforzos por este obxectivo, algo que tamén nos permitiu a aposta ampliada por estes proxectos do novo regulamento do Fondo Europeo Marítimo e de Pesca (FEMP)”, subliñou Rosa Quintana durante a súa intervención. Esta aposta decidida levou a aumentar o orzamento para estas iniciativas ata preto dos 58 millóns para o período 2016-2020.

Só nos tres primeiros anos desta nova etapa, ata 2018, o Executivo galego aprobou 301 proxectos dos GALP, entre case 650 recibidos, e concedeu axudas por valor de 19 millóns de euros. Estes investimentos, que permitiron mobilizar outros 24 millóns de euros do ámbito privado, xeraron 267 empregos directos a tempo completo.

Como mostra do compromiso da Consellería do Mar con este tipo de proxectos, Rosa Quintana tamén anunciou que o Diario Oficial de Galicia (DOG) vén de publicar hoxe unha orde pola que se amplía en máis de 1,2 millóns de euros o crédito para a concesión de axudas para proxectos das estratexias de desenvolvemento local participativo. “Así poderanse atender máis iniciativas este mesmo ano”, detallou a titular de Mar.

Obxectivos dos GALP

As actuacións desenvolvidas polos GALP buscan aumentar o emprego e a cohesión social nas comunidades pesqueiras. De feito, os oito grupos actuais agrupan a 361 entidades sociais -105 delas do sector pesqueiro- e representan a máis de 11.000 persoas de todo o litoral de Galicia. Entre os obxectivos dos proxectos están a atracción de xente nova ás zonas costeiras, a promoción da innovación, o apoio á diversificación dentro e fóra do sector pesqueiro, o impulso do patrimonio ambiental e cultural, o reforzo do papel das comunidades pesqueiras no desenvolvemento local e na cogobernanza dos recursos pesqueiros e a promoción das distintas actividades marítimas no ámbito local.

“Nesta estratexia participativa reeditamos e ampliamos a cogobernanza co sector. Temos aínda retos futuros como o estímulo da presentación de proxectos por parte dos profesionais da pesca pero sabemos que iso vai parello a unha necesaria simplificación e axilización na aplicación do novo fondo marítimo pesqueiro”, concluíu a representante do Executivo galego. Precisamente, a Xunta xa está a facer xestións no marco da reforma do FEMP para que se simplifique a tramitación das axudas co obxectivo, entre outros, de dinamizar as zonas costeiras e evitar que queden fondos sen executar.

R., 2019-07-09

Actualidad

Foto del resto de noticias (DemoDay_17xullo19.JPG) Celebrouse na Cidade da Cultura, en Santiago de Compostela, o Demo Day, a xornada que pecha a primeira edición do programa de startups R DiCo Challenge. Durante algo máis dun hora, da man de mentores e voceiros dos equipos dos proxectos, o auditorio coñeceu o detalle das ideas desenvolvidos no programa startups R DiCo Challenge: xogos para a mente, teatro en realidade virtual, trámites áxiles e intelixencia televisiva. Un total de 42 propostas (startups e emprendedores, pequenas e medianas empresas e algún centro tecnolóxico e universitario) responderon aos cinco retos tecnolóxicos lanzados o pasado mes de decembro nos inicios da primeira edición de startups R DiCo Challenge, que se pecha arestora tras seis meses de traballo intenso.
Foto de la tercera plana (paisaxe-praia.jpg) O seminario A paisaxe da mar celébrase en Guitiriz e está organizado pola Universidade de Santiago de Compostela. Ten como obxectivo remarcar o protagonismo da costa en Galicia coas súas diferentes configuracións morfolóxicas e ecolóxicas traducidas en cabos, rías, acantilados, praias, lagos, marismas e illas, ademais das propias profundidades mariñas, sen esquecer a extraordinaria riqueza dos océanos no ámbito biolóxico, económico e paisaxístico. Trátase de poñer en valor a importancia da paisaxe como recurso patrimonial que participa do interese xeral nos aspectos ecolóxicos, culturais, económicos e sociais. Nesta liña, destácase o gran valor natural das rías e da costa galega que conforman áreas dunha ecoloxía única.

Notas

Foi unha reunión de traballo, un primeiro contacto. O obxectivo é o de colocar Ourense como referente de espazos naturais e proxectos ambientais. Con esa intención reuníronse esta mañá, no Concello de Ourense, o alcalde Gonzalo Pérez Jácome e o tenente de alcalde e concelleiro de Medio Ambiente, Jorge Pumar, cos biólogos Emilio Carral Vilariño e Antonio Estévez Prieto, destacados investigadores de proxectos medio ambientais, tanto no eido académico coma no privado, respectivamente.
O Galician Freaky Film Fest volverá cunha terceira edición (se contamos a primeira edición denominada 0) a cidade de Vigo coa intención de ateigala de zombies, vampiros, lobishomes e montar unha auténtica festa da cultura freak tan incorporada no ADN de toda a xeración Xabarín. As obras deberán pertencer ó mundo freak, entendendo isto como a serie B, o terror, a ciencia ficción, o cine fantástico ou a parodia dos mesmos, pero tamén a calquera outro xénero.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania