sábado, 7 de noviembre de 2026
A exposición foi inaugurada ante diferentes turoperadores, prensa especializada e público en xeral, que puideron coñecer as fotografías e material audiovisual desta mostra que xa pasou por Boston e Chicago e que poderá verse no Instituto Cervantes de Nova York ata o 21 de xullo. Durante o acto tamén tivo especial protagonismo a gastronomía do Camiño de Santiago a través dunha degustación inspirada na ruta xacobea a cargo da Estrela Michelin Lucía Freitas.
Tanto a exposición como a degustación están incluídas na programación do Galicia Cinema & Food Festival, un evento de promoción de Galicia que este ano conta co apoio da Consellería de Cultura e Turismo a través de diferentes actividades especialmente centradas no Xacobeo 2021 e o Camiño de Santiago. De feito incluirá tamén a proxección do filme Strangers on the Earth A Journey on the Camino de Santiago do director Tristan Cook, con temática xacobea no último día do evento no Instituto Cervantes, que estenderá a súa emisión nos centros galegos de Nova York e Nova Jersey.
Coa posta en marcha desta iniciativa, a Xunta continúa a reforzar a divulgación e difusión do Xacobeo 2021 e o Camiño de Santiago en diferentes lugares do mundo. Neste caso, estas accións contribuirán a reforzar o coñecemento da Ruta Xacobea en Estados Unidos, que se está a consolidar como o terceiro país estranxeiro do que proveñen máis peregrinos, só por detrás de Italia e Alemaña.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
