jueves, 25 de abril de 2024
A directora da Axencia Galega de Innovación (Gain), Patricia Argerey Vilar, expuxo esta mañá en Madrid o proceso de avaliación da Estratexia de Especialización Intelixente (RIS3) de Galicia ante representantes doutras Comunidades Autonómas no marco dunha xornada organizada pola Red I+D+i, coordinada polo Centro para el Desarrollo Tecnológico Industrial (CDTI) e dependente dos ministerios de Facenda e de Ciencia, Innovación e Universidades. Na xornada, centrada na avaliación das RIS3 e nas futuras RIS3 para o período 2021-2027, participaron representantes da subdirección de Programación e Avaliación da Dirección General de Fondos Europeos do Ministerio de Facenda; da Dirección Xeral de Política Rexional e Urbana da Comisión Europea; da Plataforma de Especialización Intelixente (Joint Research Center) da Comisión Europea en Sevilla; e da Agencia de Desarrollo e Innovación de Andalucía.
Metodoloxía participativa
A directora de Gain presentou, no marco dunha mesa sobre exemplos prácticos de avaliación das RIS3 na que tamén se expuxo o caso andaluz, o proceso de avaliación da RIS3 galega. Argerey destacou a metodoloxía participativa que está a empregar Galicia no proceso de avaliación da súa Estratexia; proceso que se empregou tamén na elaboración da propia RIS3, ao longo de 2013.
A avaliación intermedia estase a realizar a través de diferentes vías: o balance de execución, a recollida de información a través de cuestionarios que se remitiron a preto de 900 beneficiarios das axudas, stakeholders e axentes do sistema galego de I+D+i; a celebración de talleres por retos (que darán comezo o próximo 28 de maio); a organización de grupos de discusión, paneis de expertos e consellos asesores; ademais da consulta á sociedade en xeral, que supón unha oportunidade para achegar a innovación ás persoas.
Argerey apuntou que o obxectivo deste proceso de avaliación é identificar variacións na execución da RIS3 que permitan introducir medidas correctoras se fose preciso, como o desenvolvemento de novos instrumentos, a mellora dos actuais ou o reaxuste das prioridades. Tamén servirá para sentar as bases para comezar o proceso de definición da futura RIS3 para o periodo 2021-2027.
Galicia xa fora destacada como un exemplo de boas prácticas na monitorización da súa RIS3 no manual da Comisión Europea para a implementación das Estratexias de Especialización Intelixente. A Comisión Europea recalcaba o sistema de seguimento continuo dos resultados da RIS3 a través dun panel de indicadores e o contraste deste cos valores obxectivos obtidos nas avaliacións intermedias e finais a través de información cualitativa e cuantitativa procedente de cuestionarios e grupos de discusión.
As Estratexias de Especialización Intelixente son a folla de ruta das rexións europeas para avanzar na súa competitividade, crecemento económico e emprego a través da innovación e un requisito imprescindible para acceder aos fondos de cohesión da Unión Europea no período 2014-2020.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
