Galicia Escena Pro 2019 reforza as posibilidades de intercambio teatral con Madrid, Cantabria e País Vasco
A sétima edición de Galicia Escena PRO inclúe no seu programa tres espectáculos procedentes de Madrid, Cantabria e País Vasco dentro das vías de colaboración abertas tanto con MADferia como co proxecto Camiño Escena Norte. Trátase das propostas de Rotura Producciones, Café de las Artes Teatro e Hortzmuga Teatroa, que compartirán cartel cos 17 espectáculos galegos e os 10 proxectos en formato pitching seleccionados para esta nova entrega do evento. Refórzase así o programa de intercambio con outras comunidades autónomas que Galicia Escena PRO puxo en marcha en 2016 e que, ademais de presentar en Galicia unha mostra da produción escénica doutros puntos de España, facilita a incorporación de compañías galegas nos carteis dos eventos colaboradores.
A sétima edición de Galicia Escena PRO inclúe no seu programa tres espectáculos procedentes de Madrid, Cantabria e País Vasco dentro das vías de colaboración abertas tanto con MADferia como co proxecto Camiño Escena Norte. Trátase das propostas de Rotura Producciones, Café de las Artes Teatro e Hortzmuga Teatroa, que compartirán cartel cos 17 espectáculos galegos e os 10 proxectos en formato pitching seleccionados para esta nova entrega do evento que promove a Consellería de Cultura e Turismo, baixo a organización compartida entre a Axencia Galega das Industrias Culturais (Agadic) e a asociación profesional Escena Galega.
Refórzase, deste xeito, o programa de intercambio con outras comunidades autónomas que Galicia Escena PRO puxo en marcha en 2016 e que, ademais de presentar en Galicia unha mostra da produción escénica doutros puntos de España, facilita a incorporación de compañías galegas nos carteis dos eventos colaboradores.
É o caso de MADferia, coa que o mercado galego repite intercambio por segundo ano consecutivo. Desta volta, poderá verse en Santiago o espectáculo Réquiem, de Rotura Producciones. A actriz Esther Bellver é a alma mater desta compañía, así como a directora e intérprete da montaxe coa que se presentará en Galicia e que xurdiu como unha sentida homenaxe ao seu pai, recentemente falecido.
Teatro familiar e de rúa
Este ano, ademais, Galicia Escena PRO inicia a súa colaboración con Camiño Escena Norte, proxecto promovido polas asociacións profesionais Escena Galega, EscenaAsturias, Asociación Cántabra de Empresas Productoras de Artes Escénicas (Acepae) e Eskena do País Vasco para o desenvolvemento de itinerarios culturais compartidos entre as catro comunidades do norte peninsular. Neste marco, Galicia recibirá a compañía cántabra Café de las Artes Teatro, coa montaxe para público familiar El inolvidable viaje de Nana, e a vasca Hortzmuga Teatroa con Femmes, espectáculo de rúa construído como un canto reivindicativo de tres octoxenarias.
A sétima edición de Galicia Escena PRO mantén como prioridade estimular a dinámica comercial do sector, ofrecéndolles ás empresas galegas de produción e distribución escénica un espazo para o encontro con programadores e demais axentes culturais acreditados. Ao tempo, incídese na posta en valor e na proxección social da creación galega coa apertura ao público non profesional da exhibición dos espectáculos seleccionados, que este ano poderán verse en diferentes escenarios e rúas da cidade.
R., 2019-05-20
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.