jueves, 25 de diciembre de 2025
A directora de Turismo de Galicia, Nava Castro, participou hoxe no encontro da España Verde que se celebrou en Álava coa presenza dos directores de turismo das catro comunidades autónomas que integran esta marca que, ademais de Galicia, está conformada por Asturias, Cantabria e País Vasco.
Coincidindo con 30 aniversario da España Verde e baixo a coordinación que este ano asume o País Vasco, o encontro serviu para facer balance das actividades realizadas ata o de agora e avanzar na programación deste 2019. Nava Castro salientou a oportunidade que suporá para as catro comunidades poder reforzar o posicionamento internacional da marca turística do norte peninsular, despois de que a España Verde veña de participar con éxito nunhas xornadas de promoción e comercialización organizadas por Turespaña en China promovendo unha oferta conxunta da que desfrutar durante todo o ano.
Neste sentido, preténdese intensificar agora ese esforzo mediante unha serie de accións encamiñadas a captar novos mercados de interese estratéxico, especialmente o asiático, e centrarse nos recursos que unen ás catro comunidades, entre os que destaca o Camiño de Santiago, o patrimonio e a cultura, así como a enogastronomía.
O encontro celebrado hoxe incluíu un percorrido por algunha das adegas con máis historia do País Vasco, con visita guiada polos seus viñedos. Ao abeiro desta actividade, tamén se falou da oportunidade que supoñen estes recursos para a España Verde salientando a aposta de comunidades como Galicia por desenvolver un modelo turístico que impulsa os seus recursos culinarios e o traballo dos profesionais a través de Galicia Sabe, a estratexia de turismo enogastronómico coa que a Consellería de Cultura e Turismo está a traballar.
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
