miércoles, 17 de septiembre de 2025
Deste xeito, na sección oficial proxectaranse no Auditorio do Concello de Vigo un total de 10 longametraxes, mentres que no Instituto Camões e no MARCO exhibiranse 34 curtametraxes. Os 19 videoclips seleccionados poderanse ver no Espacio Mahou do Mercado do Progreso 41.
Doutra banda, o director do festival quixo destacar tamén a gran evolución que está a ter o certame, sobre todo nos dous últimos anos e considera que cada ano vai sumando público e vai sumando mellor reputación e consideración tanto pola xente do sector audiovisual como pola xente de Vigo, que é o máis importante.
Outra das novidades deste ano é que tanto a gala de inauguración como a de clausura serán sen custo. De feito, na gala de inicio, que terá lugar no Calvario o 1 de maio ás 21.00, ademais de entregar a mención honorífica a un dos grandes impulsores do audiovisual galego, Manolo González tamén se proxectará No intenso agora, un filme lusófono da sección oficial.
Xa o día previo a gala de clausura poderase gozar do concerto de Basanta na Sala Iguana Club a partir das 23.30 (rúa Churruca, 14), un grupo vigués cheo de misterio que mistura rock psicodélico con pop, folk e tintes indies.
En definitiva, o Primavera do Cine traerá o mellor do cine galego e lusófono a cidade para que, durante dúas semanas, os vigueses poidan gozar dunha primavera chea de cine e, por suposto, a prezos populares.
AS ACTIVIDADES PARALELAS
A programación do Primavera do Cine 2019 completarase con outras actividades paralelas coma a charla de interpretación que dará o actor vigués Morris, prevista para o sábado 4 de maio ás 11.00, Proxecto Remolque, o sábado 4 de maio ás 11.30 ou Galegas de Cine, o domingo 5 de maio ás 11.30. Todas terán lugar no Auditorio do Concello de Vigo.
Proxecto Remolque, dirixido por Cris Lores e acompañado polos cineastas Belén Veleiro e Alberte Pagán. é un obradoiro no que os asistentes, despois dunha pequena clase introdutoria e do visionado de diversas obras que servirán de exemplo, poderán realizar ás súas propias películas en celuloide. De feito, a cada participante se lles facilitará carretes de tráileres de filmes audiovisuais comerciais en 35 mm.
O Método Morris será unha charla onde o intérprete tentará desentrañar os segredos do que el mesmo chama actuación autodidacta, unha forma totalmente orixinal e xenuína de involucrarse en cada personaxe ata facelo seu, creado tras máis de tres décadas vinculado á interpretación. Ademais, tamén falará das experiencias que viviu dende dentro do audiovisual galego así como da súa evolución como actor.
Finalmente, Galegas de Cine é unha clase maxistral en dúas sesións impartida pola docente Renata Otero e a cineasta Jaione Camborda. Nesta actividade explorarase o papel que tivo a muller en toda a historia cinematográfica e falarase tamén das mulleres vinculadas ao eido audiovisual na actualidade.
O informe da Consellería de Vivenda e Planificación de Infraestruturas cifra en 2.943 as vivendas de promoción pública en marcha diferentes fases de tramitación e execución na comunidade. Estas vivendas forman parte do traballo do Goberno galego para duplicar o parque público residencial, o que significa que neste momento a Xunta ten xa en marcha o 73 % dos novos fogares comprometidos para esta lexislatura. Cómpre recordar que en 2025 o Goberno galego triplicou o orzamento destinado á vivenda pública e solo residencial. O Informe reflicte así que neste momento, a Xunta de Galicia ten 2.943 vivendas de nova construción en marcha, o que supón un investimento xa licitado de 208 M, e un total estimado de 451 M.
A nova ferramenta, que se activará nos próximos días, está configurada como un cuestionario en liña, sinxelo e de fácil aplicación, que poderán empregar os docentes en calquera momento en que sexa necesario para obter información sobre o ambiente de convivencia na súa aula. Está prevista para ser utilizada, tal e como informou Rueda, nos últimos cursos de educación primaria (5º e 6º) e en secundaria, bacharelato e FP. Logo da decisión do profesor de activar o Termómetro Acoso Escolar, e unha vez que o alumnado o complete, xerarase de forma automática un informe detallado para a aula, que incluirá indicadores clave sobre a convivencia, o benestar emocional do grupo e a detección de posibles casos de acoso. Este informe servirá de base para a reflexión docente e para a toma de decisións pedagóxicas orientadas á mellora da convivencia e á intervención educativa cando sexa necesario.
